Monday, May 31, 2010

kadha thudarunnu



സത്യന്‍ അന്തികാട്
ലളിതവും സുന്ദരവും ആയ ഒരു മനോഹര സിനിമ
എന്നെ ഇതിനെ കുറിച്ച് പറഞ്ഞു കൂടൂ
സത്യന്‍ അന്തികാട് എല്ലായ്പ്പോഴും നല്ല സിനിമകളെ കുറിച്ച് എഴുതുന്ന ഒരു നല്ല സംവിധായകന്‍ ആണ്..
കൊലപാതക്ങ്ങലോ ..കൊല്ലയോ കൊലയോ രാഷ്ട്രീയ അതി പ്രസരമോ തീണ്ടാത്ത ശുദ്ധ സിനിമകള്‍..
ഇതും അങ്ങിനെ തന്നെ
നാടകീയമായ് ഒത്തിരി മുഹൂര്തങ്ങള്‍ക്ക് ശേഷം
വിദ്യ തന്റെ കമിതാവായ കീ ബോര്‍ഡ് വായിക്കുന്ന മുസ്ലിം യുവാവിന്റെ കൂടെ പോവുകയാണ്..
രണ്ടു കുടുമ്പങ്ങളും അവരെ ഉപേക്ഷിക്കുന്നു..
ഒരു കുഞ്ഞും ആയി ജീവിക്കുന്ന അവരുടെ ജീവിതം ഒരു രാത്രിയില്‍ തകിടം മറിയുകയാണ്..
അനാധയാക്കപെടുന്ന ഒരു അമ്മയും കുഞ്ഞും..
സ്വന്തം വീട്ടില്‍ നിന്നും പുറത്താക്കപെട്ട അവള്‍..
കൊച്ചു കുട്ടിയുമായി റെയില്‍വേ സ്റ്റേഷനില്‍ അന്തിയുറക്കം ആരംഭിക്കുകയാണ്..
ലളിത മനസ്കനായ ഒരു ഓട്ടോ ഡ്രൈവര്‍ (ജയറാം)aayi അവള്‍ ചങ്ങാത്തത്തില്‍ ആവുന്നു..
അങ്ങിനെ ഒരു ചേരിയിലെ വൃത്തി ഹീനമായ അന്തരീക്ഷത്തില്‍ അവളും കുഞ്ഞും എത്തി പെടുകയാണ്..
സ്നേഹത്തിന്റെ നന്മയുടെ ഒരു ചെറിയ ലോകം അതില്‍ അവളും കുഞ്ഞും ആണ്ടു മുങ്ങി പോവുകയാണ്
കൂട്ടായ്മയുടെ മനോഹര സന്ദേശം നമുക്ക് നല്‍കുന്ന ഒരു മത നിരപേക്ഷ ചിത്രം കൂടിയാണിത്
ഇളയ രാജയുടെ സംഗീതം എന്തോ അത്ര ഹൃദയവര്‍ജകം ആയി തോന്നിയില്ല..
മനസ്സില്‍ തങ്ങി നില്‍ക്കുന്ന ഈണങ്ങള്‍ ഒന്നും തന്നെ ഇല്ല വീണ്ടും കേള്‍ക്കാന്‍ ഹൃദയം മോഹിക്കുന്ന ഒരു പാട്ട് പോലും ഇല്ല ഇതില്‍
നല്ല പാട്ടുകള്‍ ഉള്ള സിനിമകള്‍ കാണാന്‍ കൊതി ആയി തുടങ്ങി എന്നതാണ് സത്യം
നെഞ്ചു പിടക്കുന്ന ചില മനോഹര രംഗങ്ങള്‍ കൂടിയുണ്ട് ഈ സിനിമയില്‍
കീ ബോര്‍ഡ് വായിക്കുന്ന സ്വരം കേള്‍ക്കുമ്പോള്‍പപ്പാ മരിച്ചതോര്‍ക്കാതെ കുഞ്ഞു പപ്പാ എന്ന് വിളിച്ചു ഓടി വരുന്ന രംഗം നമ്മളെ വല്ലാതെ ചലിപ്പിക്കും
നല്ല തമാശ രംഗങ്ങളും ഉണ്ട് കൂടെ..
നമ്മളെ ചിരിപ്പിക്കുകയും ഒപ്പം ചിന്തിപ്പിക്കുകയും ചെയ്യുന്ന ഒരു സിനിമ
എന്നാലും മമതയുടെ make അപ്പ്‌ ഉം മുടിയും ആദ്യം മുതലേ നമ്മളെ മടുപ്പിക്കും..
ചേരിയില്‍ താമസിച്ചപ്പോള്‍ എട്ടു ലെയര്‍ make upഅഞ്ചായി കുറഞ്ഞു എന്ന് മാത്രം..
നാട്ടില്‍ കാണാന്‍ കൊള്ളാവുന്ന പെണ്‍ കുട്ടികള്‍ തീരെ ഇല്ലാതായോ എന്ന് നമ്മള്‍ ഓര്‍ത്ത്‌ പോകും..
ഇവരെയെല്ലാം അഭിനയിപ്പിക്കുന്ന കാണുമ്പോള്‍
മുഖത്ത് ഭാവം വരാന്‍ ആ നടി നമ്മുടെ ഉദയനാണ് താരം സിനിമയിലെ ശ്രീനിവാസനെ പോലെ ആളെ വൈകേണ്ടി വരും എന്ന് മാത്രം
പിന്നെ നയന്‍ താരയെ കൊണ്ട് വന്നില്ലല്ലോ എന്ന് സമാധാനിക്കാം
അല്ലെങ്കില്‍ നമ്മുടെ ലളിത ജയറാമിന് കാണിച്ചു കൊടുക്കുന്ന പോലെ ഒരു നിമിഷം കൊണ്ട് കണ്ണ് നിറക്കുന്ന ആ അഭിനയം പഠിപ്പിച്ചാലും മതി .
ജയറാം ഒരു വിധം ഒപ്പിച്ചു പോയി എന്ന് പറയാം..
ആരും ഒരു മനോഹര അഭിനയ മുഹൂര്‍ത്തം കൊണ്ട് നമ്മളെ മന്ത്ര മുഗ്ധര്‍ ആക്കില്ല
ഇന്നസെന്റ് ,ലളിത മാമു കോയ , അസിഫ് അലി , ലക്ഷ്മി പ്രിയ , ശ്രീജിത്ത്‌ രവി ചെമ്പില്‍ അശോകന്‍ ഇവരാണ് മറ്റു സഹ താരങ്ങള്‍
ആരുടേയും അഭിനയം അത്ര സുഖമായില്ല എന്ന് തന്നെ പറയേണ്ടി വരും
വേണു വിന്റെ എന്നാല്‍ ഒന്നാം തരം തന്നെ
നയന മനോഹരമാണ് രംഗങ്ങള്‍..ചടുലവും അനുഭവ ഭേദ്യവും ആയ എഡിറ്റിംഗ്..
നല്ല കഥ..നന്നായി തന്നെ പറയുകയും ചെയ്തു
മൊത്തത്തില്‍ ഒരു നല്ല ചിത്രം
സംഗീതം ഇളയരാജ
ഗാനങ്ങള്‍ വയലാര്‍ ശരത് ചന്ദ്ര വര്‍മ .

.
.

Saturday, May 29, 2010

ഒരായിരം നന്ദി .

ഒരു ജന്മ ദിനത്തില്‍ എന്തിരിക്കുന്നു
.എനിക്ക് ഒരിക്കലും അതിന്റെ വില അറിയുമായിരുന്നില്ല..
അച്ഛനും അമ്മയ്ക്കും വളരെ വളരെ വൈകി ഉണ്ടായ ഒരു മകള്‍..
അമ്മയുടെ പത്താമത്തെ പ്രസവം..
അമ്മ മരിച്ചു പോയേക്കും എന്ന പേടി എല്ലാവര്ക്കും ഉണ്ടായിരുന്നു..
വല്ലാതെ അമ്മ വിഷമിക്കുകയും ചെയ്തു
അങ്ങിനെ ഉണ്ടായ ഒരു കറുത്ത കുട്ടി .
ജനിച്ചു നാലാം കൊല്ലം അച്ഛനും മരിച്ചു..
കെട്ടിക്കാതെ അഞ്ചു പെണ്‍ മക്കള്‍..
ഒരു പ്രൈമറി സ്കൂളില്‍ അധ്യാപകന്‍ ആയ ഒരു ചേട്ടന്‍..
കയ്യിലെ പണം മുഴുവനും പാടത്തും പറമ്പിലും കൃഷി എന്ന പേരില്‍ കളഞ്ഞു
ജീവിക്കാന്‍ വലയുന്ന ഒരു കുടുമ്പം..
എനിക്ക് തോന്നിയിട്ടുണ്ട് വീട്ടിലെ രണ്ടു പോത്തുകള്‍ക്കും പശുവിനും എന്നെക്കാള്‍ പ്രാധാന്യ ഉണ്ടെന്നു..
അവരെ കൊണ്ട് എന്നെക്കാള്‍ പ്രയോജനം വീട്ടിനുണ്ടായിരുന്നു എന്നത് കൊണ്ടാവാം..
അല്ലെങ്കില്‍ അനാഥത്വം..
അതിന്റെ ഊതി വീര്‍പ്പിച്ച കൌമാര കാല മുഖം
ഇരുണ്ട കണ്ണാടിയില്‍ കൂടി നോക്കിയിട്ടാവാം..
വീട്ടിലെ ഓരോ മുറിയിലും ഒരു കുടുമ്പം ആണ്..ഒരു ചേട്ടനോ ചേച്ചിയോ..അവരുടെ മക്കളോ കുടുമ്പമായി കഴിയുന്ന സ്വര്‍ഗം..
അവര്‍ ഓമനയോടെ സ്നേഹത്തോടെ അവരുടെ മക്കളെ വളര്‍ത്തുന്നത് ഒരു അഞ്ചു വയസുകാരി പത്തു വയസുകാരി നിസാഹയതയോടെ കണ്ടു വളരുകയായിരുന്നു..
അവര്‍ ആരും അവളെ തല്ലിയിട്ടില്ല..അപമാനിചിട്ടില്ല..നിന്ദിച്ചിട്ടില്ല..
എന്നാല്‍ ആര്‍ക്കും അവളെ വേണ്ടായിരുന്നു..
ആരും അവളുടെതല്ലായിരുന്നു..
അവര്‍ കുഞ്ഞുങ്ങള്‍ക്ക്‌ ഭക്ഷണം കൊടുക്കുമ്പോള്‍ അത് നോക്കി നോക്കി നില്‍കുന്ന ഒരു ചെറിയ പെണ്‍ കുട്ടി..
ഭക്ഷണതിനോടുള്ള കൊതിയല്ല..
അവര്‍ എത്ര സ്നേഹത്തോടെ വാരി കൊടുക്കുന്നു എന്നതാണ് നോക്കി നില്‍ക്കുന്നത് എന്ന് പറഞ്ഞു മനസിലാക്കാന്‍ അവള്‍ക്കറിയില്ലല്ലോ

വിവാഹം കഴിഞ്ഞു ഒരു കുഞ്ഞായപ്പോള്‍..
അവളുടെ ജന്മ ദിനം എത്ര കാത്തിരിക്കുന്നു എന്നറിഞ്ഞു ..
അതിനായി വളരെ മുന്‍പേ ഒരുക്കങ്ങള്‍ തുടങ്ങുന്നു..
അവളുടെ പതിനെട്ടാമത്തെ പിറന്നാളിന് കൊടുകേണ്ട സമ്മാനം പോലും എന്താണ് എന്ന് രണ്ടു വയസ്സില്‍ മനസ്സില്‍ ഉണ്ടായിരുന്നു
അതനുസരിച്ച് സമ്പാദ്യ പദ്ധതിയില്‍ ചേര്‍ന്ന്
ഒരു ഇരുപതു വയസ്സുള്ള അമ്മയുടെ മണ്ടത്തരം..
എന്നാല്‍ അതിനായി സമ്പാദിക്കാന്‍ തുടങ്ങിയിരുന്നു..
മക്കളുടെ ഓരോ ജന്മ ദിനവും സ്നേഹത്തിന്റെ ഒരു വലിയ ആഖോഷമാക്കാന്‍..
എനിക്ക് ഒരിക്കലും ലഭിക്കാതെ പോയ സ്നേഹം എന്റെ മക്കള്‍ക്ക്‌
ഒപ്പം മറ്റു കുഞ്ഞുങ്ങള്‍ക്ക്‌ ആവോളം നല്‍കാന്‍ എന്നും ശ്രേമിച്ചിരുന്നു ..
അതിനു പകരം മക്കള്‍ വലുതായപ്പോള്‍ മനോഹരമായ ജന്മ ദിനങ്ങള്‍ പകരം നല്‍കി..
കൊച്ചു സമ്മാനങ്ങള്‍ തരാന്‍ അവര്‍ പണം സൂക്ഷിച്ചു വൈക്കുന്നത് അറിഞ്ഞതേയില്ല..
എന്ത് വേണം അമ്മക്ക് എന്നറിഞ്ഞു.സ്വന്തം എളിയ സമ്പാദ്യത്തില്‍ നിന്നും ..
ഭംഗിയുള്ള മുടി പിന്നുകളും എല്ലാം അവര്‍ കരുതി വച്ചു....
ഇപ്പോള്‍ നിങ്ങളുടെ എല്ലാം സ്നേഹം കാണുമ്പോള്‍..
മക്കള്‍ എതന്ന സ്നേഹം ആണ് ഓര്മ വരുന്നത്
ഒരു സ്വാര്‍ഥതയും ഇല്ലാതെ..
സ്നേഹം അല്ലാതെ മറ്റൊന്നും പകരം പ്രതീക്ഷിക്കാതെ ..
തരുന്ന ഈ സ്നേഹം ..
അതിന്റെ പൂര്‍ണ അര്‍ത്ഥത്തില്‍ എടുക്കുകയാണ്.
ഓര്‍മിച്ച ഈ ജന്മ ദിനത്തിന്..
ഒരായിരം നന്ദി .
.