2019, ഡിസംബർ 22, ഞായറാഴ്‌ച

മാമാങ്കം

ഇന്ന് മാമാങ്കം സിനിമ കണ്ടു .
വീര കഥകൾ..വീരന്മാരുടെ കഥകൾ ..ആരെയാണ് ആകർഷിയ്ക്കാത്തത് ?ഈ സിനിമ അത്തരമൊരു കഥയാണ്.വീര മൃത്യു വരിച്ച ധീരരുടെ  കഥ  
നെറ്റിൽ കണ്ട വളരെ മോശമായ അഭിപ്രായങ്ങൾ മൂലം ഈ സിനിമ കാണണമോ എന്നൊന്ന് സംശയിച്ചു .
എന്നാൽ ചിലർ പറഞ്ഞ നല്ല അഭിപ്രായം മൂലം കാണാമെന്നു കരുതി 
കണ്ടത് നന്നായി എന്ന് തന്നെ പറയണം ..
ഈ ചിത്രത്തിൻറെ നല്ല വശങ്ങൾ ആദ്യം പറയാം 
മമ്മൂട്ടിയുടെ നല്ല അഭിനയം ..
നല്ല പാട്ടുകൾ..
അതി സുന്ദരിയായ നായിക..നായിക എന്ന് പറഞ്ഞു കൂടാ.എങ്കിലും കഥയുടെ ത്രെഡ് ഈ കഥാപാത്രത്തിലൂടെയാണ് മുന്നോട്ട് പോകുന്നത് .
ആ നടിയുടെ   മുഖവും ശരീരവും അസാദ്ധ്യം എന്നെ പറയാനാവൂ .
കലക്കൻ സംഘട്ടന രംഗങ്ങൾ .
എങ്കിലും പുരികം ത്രെഡ് ചെയ്തിട്ടുണ്ട് എല്ലാ സുന്ദരിമാരും.അത് പോട്ടെ.
സിദ്ധിഖിന്റെ കറ തീർന്ന വില്ലൻ.എങ്കിലും വയസായി കക്ഷിക്ക് എന്ന് നമുക്ക് തോന്നും 
പന്ത്രണ്ടു വയസുള്ള ചെറു ബാലൻ..അവനാണ് ഈ സിനിമയിലെ താരം. ,.അവന്റെ അതി മനോഹരമെന്നു പറയാവുന്ന ..കുറ്റവും കുറവും ഇല്ലാത്ത അഭിനയം നമ്മെ അതിശയിപ്പിക്കും .
ഉണ്ണി മുകുന്ദന്റെ ശരീരം നല്ലതാണ് ..എന്നാൽ അഭിനയം പഠിക്കാൻ ,കക്ഷി പോളിടെക്നിക്കിൽ പോയിട്ടില്ല എന്നൊരു കുഴപ്പമേയുള്ളൂ.
whirl wind girl എന്നൊരു കൊറിയൻ സീരിയൽ ഉണ്ട് ..അത് സംവിധായകൻ ഒന്ന് കാണുന്നത് നല്ലതാണ് .ആകാശത്തെ സംഘട്ടന രംഗങ്ങൾ ആ സീരിയലിന്റെ ഒരു മുഖ്യ ആകർഷണമാണ് 
ആഭാസമല്ലാത്ത നൃത്ത രംഗങ്ങൾ എന്നത് അത്ഭുതപ്പെടുത്തി .എഡിറ്റിംഗ് അത്ര പോരാ..കാമറയും ..
സിനിമ മാത്രമല്ലാതെ മറ്റൊന്നും ഈ സിനിമയിൽ ഇല്ല എന്നതാണ് ഛായഗ്രാഹകനോടുള്ള  ഒരഭിപ്രായ വ്യത്യാസം .



Directed byM. Padmakumar
Produced byVenu Kunnappilly
Screenplay bySajeev Pillai
Adapted screenplay & dialogues:
Shankar Ramakrishnan
StarringMammootty
Achuthan
Unni Mukundan
Siddique
Prachi Tehlan
Anu Sithara
Kaniha
Ineya
Music bySongs:
M. Jayachandran
Score:
Sanchit Balhara
Ankit Balhara
CinematographyManoj Pillai
Edited byRaja Mohammad
Production
company
Kavya Film Company
Distributed byKavya Film Company
Release date

2019, ഒക്‌ടോബർ 24, വ്യാഴാഴ്‌ച

തിരഞ്ഞെടുപ്പ്

വട്ടിയൂർക്കാവ് ജയം..
അത് കോൺഗ്രസ് ,ബിജെപി മുന്നണികളുടെ കണക്ക് കൂട്ടലുകൾ തെറ്റിച്ചു എന്നത് സത്യമാണ് .എൻ എസ്  എസ്  ,യുഡിഎഫ് നു പരസ്യമായി പിന്തുണ നല്കിയിട്ടും ,ബിജെപിക്ക്  നിയമ സഭയിലേക്ക് ഒരു എം എൽ എ യെ നൽകിയ തിരുവനന്തപുരത്ത് ആയിട്ടും  ..രാഷ്ട്രീയ  ബുദ്ധി ജീവികളുടെ കണക്ക് കൂട്ടലുകൾ തെറ്റിച്ചു  കൊണ്ട് മൃഗീയമായ ഭൂരിപക്ഷത്തോടെ വി കെ പ്രശാന്ത് ജയിച്ചിരിക്കുന്നു .
സത്യസന്ധമായ,നിഷ്ക്കാമമായ , രാഷ്ട്രീയ പ്രവർത്തനം ..അതാണ് പ്രശാന്തിനെ ഈ തിളക്കമാർന്ന വിജയത്തിന് യോഗ്യനാക്കിയിരിക്കുന്നത് .ആ സഖാവിനു എല്ലാ വിധ ആശംസകളും
പിന്നെ വളരെ ശ്രദ്ധേയമായ ഒരു വിജയം ഷാനിമോൾ ഉസ്മാന്റെതാണ് .ആർക്കും വേണ്ടാത്ത,ജയിക്കുമെന്ന് യാതൊരു ഉറപ്പുമില്ലാത്ത മണ്ഡലങ്ങളിൽ ,വീണ്ടും, വീണ്ടും,വീണ്ടും , മത്സരിച്ച തോൽക്കേണ്ടി വന്ന ഷാനിമോളിന്റെ രാഷ്ട്രീയ ജീവിതം ,പ്രതിപക്ഷ നിരകളെപ്പോലും നോവിച്ചിരുന്നു .ആ ഒരു ദയവ് അവരോട് വോട്ടർമാർ കാണിച്ചു എന്നതാണ് നമ്മൾ കാണേണ്ടത് .ഇത്രയും അപമാനിക്കപ്പെട്ടിട്ടും ,കോൺഗ്രസ് രാഷ്ട്രീയത്തിൽ പിടിച്ചു നിൽക്കാൻ ഷാനിമോൾക്ക് കഴിഞ്ഞു ..നിശ്ചയ ദാർഢ്യമുള്ള ഒരു വനിതാ നേതാവിന്റെ വിജയമാണിത്
.അവർക്ക് പ്രത്യേക അനുമോദനങ്ങൾ ..
കോന്നിയിൽ കെ സുരേന്ദ്രന്റെ പരാജയം..വട്ടിയൂർക്കാവിലെ തിരിച്ചടി ,മഞ്ചേശ്വരത്ത് മുൻ വോട്ടുകളിൽ നിന്നും പിറകോട്ടു പോന്നത്..ബിജെപി നേതൃത്വം സ്വയം തിരുത്തേണ്ട സമയമായി എന്ന് തന്നെയാണ് ഈ തിരിച്ചടികൾ കാണിക്കുന്നത്.ശ്രീധരൻ  പിള്ളയെയും ,ഗോപാലകൃഷ്ണനെയും ഒക്കെ അട്ടത്തിരുത്തേണ്ട സമയമായി  എന്ന് തന്നെയാണ്
ലോക സഭ തിരഞ്ഞെടുപ്പിലെ വിജയം,രാഹുൽ ഗാന്ധിയെ ചാരി നിന്ന് നേടിയതാണ് എന്ന് കോൺഗ്രസ് സ്വയം വിമർശനപരമായി കാണേണ്ടതുണ്ട്.'ഉറങ്ങാൻ കള്ള് വേറെ കൂടിക്കണം 'എന്നൊരു ചൊല്ലുണ്ട്‌ .അത് പോലെ..അടുത്ത നിയമ സഭ തിരഞ്ഞെടുപ്പിൽ ജയിക്കണം എങ്കിൽ ..കോൺഗ്രസ് ,ഹോംവർക് വേറെ ചെയ്യേണ്ടി വരും .
എറണാകുളത്തെ പരാജയം..സ്വയം കൃതാനർത്ഥം  ആണ് എന്നതാണ് എൽ ഡി എഫ് കാണേണ്ടത്.ഉറപ്പുള്ള വോട്ടുകൾ പോലും ചെയ്യിക്കാൻ..പാർട്ടി പ്രവർത്തകർക്ക് കഴിഞ്ഞില്ല എന്നതാണ് സത്യം.കുറച്ചു കൂടി ആത്മാർഥമായി പ്രവർത്തിചിരുന്നു എങ്കിൽ ,തോല്പിക്കാമായിരുന്ന ഒരു പ്രതിയോഗി ആയിരുന്നു വിനോദ് എന്നതാണ് സത്യം.മനു അത്ര മണ്ഡലത്തിൽ പരിചിതനും അല്ല.അനിൽ കുമാറിനെപ്പോലെ കുറേക്കൂടി പ്രവർത്തകരുടെ ഇടയിൽ വേരുകൾ ഉള്ള ആരെയെങ്കിലും നിർത്തിയിരുന്നു എങ്കിൽ വിധി മറിച്ചായേനെ എന്നതാണ് സത്യം.
 കോന്നിയിൽ ,അടൂർ പ്രകാശ്  ഒരു മാന്ത്രിക ദണ്ഡേടുത്ത് വീശി , ജിനേഷ് കുമാറിനെ ജയിപ്പിച്ചു എന്ന് കരുതേണ്ട.കെ സുരേന്ദ്രൻ ശക്തനായ പ്രതിയോഗി തന്നെ ആയിരുന്നു.എന്നാൽ ശബരിമല വിഷയത്തിൽ ബിജെപി നിലപാടുകളുടെ സുതാര്യത ചോദ്യം ചെയ്യപ്പെട്ടു എന്നതാണ് സുരേന്ദ്രന്റെ ,കോന്നിയിലെ പരാജയം സൂചിപ്പിക്കുന്നത്.മഞ്ചേശ്വരത്ത് നിർത്തിയിരുന്നു എങ്കിൽ ,സുരേന്ദ്രൻ ജയിക്കുമായിരുന്നു എന്നതാണ്
യാഥാർഥ്യം
.
അരൂരിലെ ബിജെപി സാന്നിധ്യം യാദൃശ്ചികമല്ല .പഞ്ചായത്ത് ഉപതിരഞ്ഞെടുപ്പിൽ ആലപ്പുഴയിലെ ചില വാർഡുകളിൽ ബിജെപി ജയിക്കുന്നത് നമ്മൾ കണ്ടതാണ് .കുറച്ചു കൂടി പോപ്പുലർ ആയ മറ്റാരെയെങ്കിലും നിർത്തിയിരുന്നു എങ്കിൽ നന്നായിരുന്നേനെ എന്ന് തോന്നുന്നു .മിക്കപ്പോഴും സ്ഥാനാർഥികളുടെ തിളക്കം അസാധ്യമായ വിജയങ്ങൾ  ലഭിക്കുന്നത് നമ്മൾ മുൻപ് കണ്ടിട്ടുണ്ട് .

ഇടതു സഖ്യം..വീണ്ടും റെയിലിൽ ആയി.കോൺഗ്രസ് [പിറകോട്ടു പോയി ,ബിജെപി ക്കു ആശ്വസിക്കാൻ വകയില്ല ..എന്നൊക്കെയാണ്  ഈ ഉപ തിരഞ്ഞെടുപ്പുകളുടെ ആത്യന്തികമായ ബാക്കി പത്രം
കേരളത്തെ സംബന്ധിച്ചിടത്തോളം..തിരഞ്ഞെടുപ്പുകൾ എപ്പോഴും സുതാര്യമാണ്.ജനാധിപത്യ മൂല്യങ്ങൾ ഉയർത്തിപ്പിടിക്കുന്നതുമാണ് .അത് കൊണ്ട് തന്നെ ..വിജയികൾ ,വിജയികൾ തന്നെയാണ്   .
അവർക്ക്  ..അനുമോദനങ്ങൾ 

2019, ഒക്‌ടോബർ 1, ചൊവ്വാഴ്ച

vayojana dinam

മുത്തശ്ശി  വലിയ സുന്ദരി ആയിരുന്നു. വലിയ കണ്ണുകൾ .അൽപ്പം തടിച്ച ശരീരം. മുറുക്കി ചുവന്ന ചുണ്ടുകൾ കനത്ത നീണ്ട ചുരുണ്ട മുടി ,പിറകിൽ നിറഞ്ഞു കിടക്കും.ചന്ദനം തോൽക്കുന്ന നിറം.പല വട്ടം പ്രസവിച്ചിട്ടും ചാടി വൃത്തി കേടാവാത്ത അടി വയർ..ചുണ്ടിൽ ഒരു ചെറു ചിരി ..കണ്ണിൽ ഒരു തിളക്കം ..തിരുവാതിരകളിക്ക് തിരുപ്പറക്കുമ്പോൾ ക്ഷീണമില്ലാതെ കുനിഞ്ഞു ആവർത്തിച്ചു ചാടുന്ന ആരോഗ്യം
ആരും കൊതിച്ചു പോകുന്ന മനോഹരി.നല്ല അറിവ് .
വീട്ടിലെ പഴയ അൽപ്പം ഇരുണ്ട മുറിയിലാണ് കിടപ്പ് .മക്കളായി,മച്ചേരു മക്കളായി.അവർക്കും മക്കളായി .എണ്പതു വയസായി .   അപ്പോഴാണ്അപ്പോഴാണ് മുത്തശ്ശിക്ക് ഒരു വയറു വേദന വന്നത്,,ഹോമിയോ ഡോക്റ്റർ വന്നു നോക്കി.വയറ്റിൽ ഒരു മുഴയാണ്.മരുന്ന് കൊടുത്ത് ചുരുക്കാം എന്ന് അങ്ങേരി പറഞ്ഞെങ്കിലും..കൂടുതലായും ഡോക്ടര്മാരുള്ള വീട്ടിലെ ആരും സമ്മതിച്ചില്ല .
ഒരു ചെറു മകൻ ജോലി ചെയ്യുന്ന ബാംഗ്ലൂരിലെ ഒരു ആശുപത്രിയിൽ കൊണ്ട് പോയി അഡ്മിറ്റാക്കി .മുഴ നീക്കി ,പിന്നെ ബയോപ്സിക്ക് അയച്ചു കൊടുത്തു . ഇരുപതു ദിവസത്തോളസം അവിടെ കഴിഞ്ഞു .തിരികെ വീട്ടിൽ എത്തിയത് മുതൽ മുത്തശ്ശിയുടെ പ്രകൃതം ആകെ മാറി.മുറുക്കില്ല,കിടക്കുമ്പോൾ കുടിക്കുന്ന പാല് വേണ്ട.നെയ്യിട്ട കഞ്ഞി വേണ്ട..ആഹാരം തീരെ കുറംഞ്ഞു .സംസാരം ഇല്ലേ ഇല്ല.ടിവി കാണാൻ പോലും വരുന്നില്ല.
എല്ലാവര്ക്കും ആകെ വിഷമം ആയി.ചെറു മകന്റെ ഭാര്യ വലിയ തറവാട്ടിലെ കുട്ടിയാണ്.പഠിച്ചത് മുഴുവനും തന്നെ ഊട്ടിയിലും,അമേരിക്കയിലും .വലിയ സുന്ദരിയാണ്.ജീൻസും കയ്യില്ലാത്ത ടോപ്പും..ഒക്കെ ആയി ആധൂനിക മട്ടിലാണ് അവരുടെ ജീവിതം.എന്നാൽ ജീവിത മൂല്യങ്ങൾ നന്നായി വിലമതിക്കുന്ന ഒരു കുട്ടിയാണ് അവൾ എന്നും എല്ലാവര്ക്കും അറിയാം. അവിടെ എന്തോ സംഭവിച്ചിട്ടുണ്ട് മുത്തശ്ശിക്ക് എന്ന് എല്ലാവര്ക്കും മനസിലായി.അവളോട് ചോദിക്കാൻ ആർക്കും മനസ് വരുന്നില്ല.അവസാനം വീട്ടുകാരൊക്കെ കൂടി അവളുടെ അമ്മയെ വിളിച്ചു കാര്യം പറഞ്ഞു.
അവിടെ എന്താണ് മുത്തശിക്ക്‌ സങ്കടം വരാൻ തക്കവണ്ണം ഉണ്ടായത് എന്നായിരുന്നു എല്ലാവര്ക്കും അറിയേണ്ടത്.അവരെന്തായാലും മകളെ വിളിച്ചു ചോദിച്ചു .
അവ;ൾ ആലോചിച്ച് ഒരു എത്തും പിടിയും കിട്ടുന്നില്ല. ജോലിക്കാരി കന്നഡക്കാരിയാണ്‌ .അവരൊന്നും പറയാൻ ഇടയില്ല. പറയാൻ ഇടയില്ല.മക്കൾ രണ്ടു പേരും ചെറിയ കുട്ടികൾ ആണ്.രണ്ടും ഒന്നും വയസു മാത്രമാണ് പ്രായം.
പക്ഷെ ചെറു മകൾ ഒരു കാര്യം പറഞ്ഞു.ആശുപത്രിയിൽ നിന്നും വന്നിട്ട് മുത്തശ്ശി അധികം സംസാരിക്കാറില്ല.ഇനി മരുന്നിന്റെ കുഴപ്പമാണോ.അതോ  മുറിവ് വേദനിച്ചിട്ടാണോ..
അമ്മൂമ്മയുടെ വലിയ കൂട്ടുകാരിയാണ് തെക്കേതിലെ ഭാനു ഇളയമ്മ.അറ്റ കൈയ്യായി ,മൂത്ത മകൻ അവരെ വിളിക്കാൻ പോയി.അവരുടെ മുത്തശ്ശി എല്ലാ കാര്യവും തുറന്നു പറയും .
ഇലയാളമ്മ വന്നു ..കുറേവ നേരം മുത്തശ്ശിയുടെ സംസാരിച്ചിരുന്നു .
നിനക്കെന്താ ഇപ്പോഴൊരു ഉഴാറില്ലത്തെ ?അകത്തെങ്ങാനും ബല്ല വേദനയുണ്ടോ.ഭക്ഷണം ഒക്കെ കഴിക്കുന്നത് കുറവാണ് എന്ന് കേട്ടല്ലോ.
കുറച്ചു നേരം അവരൊന്നും പറഞ്ഞില്ല.
പിന്നെ സംസാരിക്കുമ്പോൾ അവരുടെ സ്വരം ഇടറിയിരുന്നു.
അവിടെ നല്ല തെളിച്ചമുള്ള കണ്ണാടിയാണ്
എവിടെ
ബാംഗ്ലൂരിലെ ഫ്‌ളാറ്റിൽ
അതിൽ എന്ന് മുഴുവനും കണ്ടു ഞാൻ ..ആകെ ബുദ്ധിമുട്ടായിപ്പോയി
മുഖമാകെ ചുളിഞ്ഞിരിക്കുന്നു.കയ്യിലെ കാലിലെ ഒക്കെ മാംസ പേശികൾ അയഞ്ഞു തൂങ്ങി കിടക്കുന്നു.കണ്ണുകൾ കുഴിയിൽ പോയിരിക്കുന്നു.കയ്യിലാകെ ചെതുമ്പൽ പോലെ തൊലി മാറിയിരിക്കുന്നു..ഞാൻ ഞെട്ടിപ്പോയി
 ഭാനു.ഞാനിത്ര വൃത്തി കേട്ട് പോയല്ലോ എന്നോർത്തിട്ടു സഹിക്കുന്നില്ല.
ഭാനു ഇളയമ്മ ചേച്ചിയെ കുറെയൊക്കെ സമാധാനിപ്പിച്ചു .
എങ്കിലും മുത്തശ്ശിയുടെ മുഖം തെളിഞ്ഞില്ല.
മാറിയ സ്വന്തം  രൂപത്തെ അവർക്കങ്ങു താങ്ങാൻ സാധിക്കുന്നില്ല

ഈ വയോജന ദിനത്തിൽ
 കുഴിഞ്ഞു ,പീള കെട്ടിയ,തിമിരം ബാധിച്ച  കണ്ണുകൾ . .
മുടി കൊഴിഞ്ഞ,കഷണ്ടിയായ തല ,
നടുവ് കുനിഞ്ഞു താണു  പോയ ഉടൽ,  ,
മാസപേശികൾ,തൂങ്ങിയ കൈ കാലുകൾ,
കേൾവി ശേഷി കുറഞ്ഞ ചെവികൾ ,
മൂക്കത്തു ശുണ്ഠിയും .
സദാ പരാതികളും,
മക്കൾക്ക് സ്നേഹമില്ല എന്ന സങ്കടവും,
ചെറുതും വലുതുമായ ദീനങ്ങളും..ഒക്കെയുള്ള
നിങ്ങളെ
 ഞങ്ങൾ
 സ്നേഹിക്കുന്നു
നെഞ്ചോട് ചേർക്കുന്നു .

2019, സെപ്റ്റംബർ 29, ഞായറാഴ്‌ച

paala nayanmaar

പാലാ  ഇലെക്ഷനിൽ ബിജെപിയുടെ വോട്ട് ഗണ്യമായി കുറഞ്ഞു .
അത് ഇടതു പക്ഷത്തിനാണ് പോയത് എന്ന് കോൺഗ്രസുകാർ കരുതുന്നു .കോൺഗ്രസിനാണ് പോയത് എന്ന് ഇടതുപക്ഷം കരുതുന്നു .
സത്യം അതാണോ.
പാലായിലെ ഒരു പ്രബലപക്ഷമായ നായന്മാർ ഇക്കുറി ബിജെപിക്ക് വോട്ട് ചെയ്തില്ല  .എന്നല്ല അവരിൽ നല്ലൊരു പങ്ക് തങ്ങളുടെ വോട്ട് വേറെ ആർക്കോ ആണ് ചെയ്തത് .
അവർക്ക്പിന്നീട്  പ്രീയപ്പെട്ട കക്ഷി..അത് കോൺഗ്രസ് ആവാനാണ് സാധ്യത.കാരണം ശബരിമല വിഷയത്തിൽ..അത്ര കൊറ്റിയുമല്ല അത്ര   കണ്ടനുമല്ല എന്നൊരു നിലപാടായിരുന്നല്ലോ കോൺഗ്രസ് എടുത്തത്.ഇടതു പക്ഷം ആണെങ്കിൽ അക്കാര്യത്തിൽ തങ്ങളുടെ നിലപാട് മാറ്റുകയും ചെയ്തില്ല.
എന്നിട്ടും വലതു പക്ഷത്തിനു വോട്ട് കുറഞ്ഞെങ്കിൽ ..അത് ഈ രണ്ടു മുന്നണികൾക്കും .എൻ ഡി എക്കും ,വലതു പക്ഷത്തിനും ഒരു മുന്നറിയിപ്പാണ് .
മാണി കോൺഗ്രസിന് വോട്ട് ചെയ്യുന്ന നസ്രാണികൾ..പടല പിണക്കം കണ്ടു നിറം മാറുന്നവരല്ല.കാരണം വളരുംതോറും പിളരും..പിളരും തോറും  വളരും എന്നതാണല്ലോ അവരുടെ പണ്ടേയുള്ള അവസ്ഥ .അത് കൊണ്ട് വോട്ട് ചെയ്ത്  തോൽപ്പിക്കാം , തങ്ങളുടെ സ്ഥാനാർഥിയെ എന്നവർ കരുയിഹാൻ വഴിയില്ല എന്ന്  തന്നെ കരുതണം .
ബിഡിജെസ് പറഞ്ഞാൽ വോട്ടു മാറി കുത്തുന്നവരല്ല പ്രായേണ ഈഴവ സമൂഹം.അവർ കൂടുതലും മാർക്സിസ്റ് കാർ  ആണ് താനും .അതൊക്കെ കൊണ്ട് ..ബിജെപി വോട്ടർമാരിൽ വന്ന കുറവാണ്  മാണി സി കാപ്പന്റെ വിജയം അനായാസമാക്കിയത് എന്ന് കരുതേണ്ടി വരും

വട്ടിയൂർക്കാവ് ബൈ ഇലക്ഷനിൽ, ബിജെപി കണക്കിലെടുക്കേണ്ടുന്ന ഒരു ചൂണ്ടു  പലകയാണ് പാലാ നായന്മാരിൽ വന്ന ഈ മാറ്റം .കുമ്മനം നിന്നാലും..നായന്മാർക്ക് ഉണ്ടായിട്ടുള്ള ഈ അപ്രീതി മാറ്റി എടുക്കാൻ ആവുമെന്ന് തോന്നുന്നില്ല 

2019, സെപ്റ്റംബർ 16, തിങ്കളാഴ്‌ച

മരടിലെ ഫ്‌ളാറ്റുടമകൾ

മരടിലെ ഫ്ളാറ്റിലെ ഒഴിപ്പിപ്പിക്കപ്പെട്ടവരോട് സഹതപിക്കാൻ ആവില്ല .
അവർ നമ്മുടെ സഹതാപം അർഹിക്കുന്നുണ്ട് എങ്കിൽ കൂടി
2006 മുതൽ ഇന്നുവരെ ഇവരുടെ ഫ്‌ളാറ്റുകൾ കേസിൽ കിടക്കുകയാണ്

ഫ്‌ളാറ്റ്  പണിയുന്ന കമ്പനികൾ .ഏതെങ്കിലും ഒക്കെ കോടതികളുടെ സ്റ്റേയിൽ   ആണ് തങ്ങളുടെ  നിർമ്മാണം പൂർത്തി ആക്കിയത്. .മരട് പഞ്ചായത്ത്ആദ്യം ഇവർക്ക് നിർമ്മാണ  അനുമതി നൽകി.പിന്നെ ആ അനുമതി നിഷേധിച്ചു  ..അതിനെതിരെ ഇവർ കോടതിയിൽ പോയി..സ്റ്റേ വാങ്ങി.പണി തുടർന്ന് നടത്തി.കോടതിയുടെ വിധി ഇവർക്കെതിരെ ആയിരുന്നു.അതിനെതിരെ വീണ്ടും അതിന്റെ മുകളിലെ കോടതിയിൽ പോയി .വീണ്ടും സ്റ്റേ വാങ്ങി.വീണ്ടും പണി തുടർന്നു .ആ വിധിയും  ഇവർക്ക് എതിരെ ആയി. അങ്ങിനെ അങ്ങിനെ ,ഏതെങ്കിലും ഒക്കെ  കോടതികളുടെ അന്തിമ വിധി വരുന്നതിനു മുൻപുള്ള സ്റ്റേ കാലാവധിയിൽ ആണ് ഈ ഫ്‌ളാറ്റ്‌  കമ്പനികൾ ,തങ്ങളുടെ നിർമ്മാണം പൂർത്തി ആക്കിയത്  ..തങ്ങളുടെ കക്ഷികളോട് ,  ഇവർ നിജ സ്ഥിതി മറച്ചു വയ്ക്കാൻ ഇടയില്ല ,ആവില്ല എന്നതാണ് വാസ്തവം പല ഗഡുക്കൾ ആയി പണം നൽകുമ്പോൾ..ബാങ്കുകൾ വായ്‌പ്പ നൽകുമ്പോൾ..ഒക്കെ ഈ കോടതി വിധികൾ ഇവർ അറിയേണ്ടതാണ് .നിയമം അനുശാസിക്കുന്ന അനുമതി ഇല്ലാതെയാണ് ,തങ്ങളുടെ ഫ്ലാറ്റുകൾ  പണിതു തീർത്തത് എന്നും അവർ മനസിലാക്കിയിട്ടുണ്ടാവും.
ഇതൊന്നും  ഇവർ അറിയാതെ നടന്നതാണ് എന്നും കരുതാൻ ന്യായമില്ല  ..പണം കൊണ്ടും സ്വാധീനം കൊണ്ടും നിയമങ്ങൾ മറികടക്കാം എന്ന ധനികരുടെ ധാർഷ്ട്ട്യം ..അതാണ് ഈ നിലയിലേയ്ക്ക് ഈ കാര്യങ്ങളെ കൊണ്ടെത്തിച്ചത് എന്നതാണ് വാസ്തവം
തീര ദേശ പരിപാലനം നിയമം
ഒരു കേന്ദ്ര നിയമം ആണത്  .. അക്ഷരാത്ഥത്തിലും വാച്യാർത്ഥത്തിലും  ഒന്നും നടപ്പാക്കാൻ കഴിയുന്ന ഒരു നിയമം അല്ല അത്  .വീട്ടിലെ കുളത്തിൽ നിന്നും  ചൂണ്ടയിട്ട് മീൻ പിടിക്കുന്നത് പോലും ആ നിയമം പ്രകാരം അനുവദനീയമല്ല .എന്നാൽ ആ നിയമം ഭാരതത്തിലെ വളരെ വളരെ ചൂഷണം  ചെയ്യപ്പെട്ട നമ്മുടെ കടലുകൾ കായലുകൾ പുഴകളെ ,നീർത്തടങ്ങളെ ഒക്കെ ശ്വാസം  നിലനിർത്താൻ സഹായിച്ചു എന്നത് വാസ്തവമാണ് .

തീരത്ത് നിന്നും 200 മീറ്റർ അകലെയെ കെട്ടിടം നിർമ്മിക്കാവൂ എന്നതാണ് ആനിയമത്തിലെ ഒരു ഭാഗം അനുശാസിക്കുന്നത് .ഏതു തരം  നിർമ്മാണവും അനുവദനീയമല്ല തന്നെ..ഈ ഫ്‌ളാറുടമകളെ കുടുക്കിയത് ,200 മീറ്റർ അകലം എന്ന നിയന്ത്രണം മാത്രമായിരിക്കില്ല..കടൽ, കായൽ തീരങ്ങളിൽ പണിയുന്ന കെട്ടിടങ്ങളുടെ ഉയരത്തിനും ചില നിയന്ത്രണങ്ങൾ ഉണ്ട് .ബഹു നില കെട്ടിടങ്ങൾ തീരങ്ങളിൽ അനുവദിച്ചു കൂട  എന്നതും നിയമം ആണ്.ബാറുകാർ നാഷണൽ ഹൈയിൽ   നിന്നും അകലെ ,തങ്ങളുടെ ബാറുകളേ  ആക്കിയത്, ടേപ്പ് ഇത്തിരി വളച്ചു പിടിച്ചു അളന്നിട്ടാണ് എന്ന് അന്ന് കേട്ടിരുന്നു -.എന്നാൽ ബഹുനിലക്കെട്ടിടങ്ങൾ..അതിന്റെ നിലകളുടെ എണ്ണം കുറയ്ക്കാൻ ടേപ്പ് വളച്ചു പിടിച്ചാൽ പോരല്ലോ
  വലിയ വലിയ തുകയ്ക്കുള്ള നിക്ഷേപങ്ങൾ ; നടത്തുമ്പോൾ,അതും മറ്റുള്ളവരുടെ പണം വാങ്ങി ഫ്‌ളാറ്റുകൾ പണിതുയർത്തുമ്പോൾ .ഈ നിർമ്മാണ കമ്പനികൾ കുറേക്കൂടി ഉത്തരവാദിത്വം ,ജാഗ്രത ..ഒക്കെ കാണിക്കേണ്ടിയിരുന്നു .വീണ്ടും കോടതിയിൽ കയറി ഇറങ്ങാതെ..നിർമ്മാണ കമ്പനികൾക്കെതിരെ വിശ്വാസ വഞ്ചനക്കും .ചതിക്കും,ഒക്കെ ആയി ക്രിമിനൽ കേസുകൾ  കൊടുക്കുകയാണ് ഫ്‌ളാറ്റുകാർ വേണ്ടത് .അല്ലാതെ ശബരിമല വിഷയത്തിൽ എന്നത് പോലെ സുപ്രീം കോടതി വിധി വന്നിട്ട് പിന്നെ സഹന സമരം നടത്തുകയല്ല.

വലിയ പ്രളയം വന്നപ്പോൾ ഒരു ദിവസംവേലിയിറക്കത്തിൽ , കടൽ വെള്ളം ഇറങ്ങിയില്ല ..അറബിക്കടൽ തിങ്ങിപ്പോയി  ..വലിയ നാശമാണ് അത് കൊണ്ട് അന്ന് ഉണ്ടായത് .പെരിയാറിന്റെയും ..നമ്മുടെ കായലുകളുടെയും ഒക്കെ തീരങ്ങൾ ..ഇപ്പോഴും കയ്യേറപ്പെടുകയാണ് .
മിക്ക തടാകങ്ങളും ,കായലുകളും ചുരുങ്ങി ഒതുങ്ങുകയാണ് .നമ്മൾ മനുഷ്യരുടെ കയ്യേറ്റങ്ങൾ കൊണ്ട് മാത്രമാണത് ;
അഷ്ടമുടി കായൽ കഴിഞ്ഞ നാൽപതു വശം കൊണ്ട് ഏതാണ്ട് പകുതിയായി ചുരുങ്ങി എന്നതാണ് വാസ്തവം {54  km ചതുരശ്ര അടിയിൽ നിന്നും 34 km ചതുരശ്ര അടിയായി അതിന്റെ വിസ്തീർണ്ണം കുറഞ്ഞിരിക്കുന്നു .നമ്മുടെ കടലുകളും കായലുകളും നദികളും കയ്യേറപ്പെടുകയാണ് .
എറണാകുളം മറൈൻ ഡ്രൈവ് ഒന്ന് നോക്കണം ..എന്ത് തീരദേശ പരിപാലന നിയമം ആണ് അവിടെ
 പിന്തുടരപ്പെടുന്നത് ?
ഇനി ഇതൊരു രാഷ്ട്രീയ സമരമായി പരിണമിക്കും ..പിണറായി വിജയനെ കോൺഗ്രസുകാരും ബിജെപിക്കാരും തെറി വിളിക്കും .
വീട് പോയവർ..വാടകയ്ക്ക് വീട് എടുത്തു മാറും.മിക്കവാറും ഈ പത്തു നാനൂറു കുടുമ്പങ്ങൾ  ,വല്ലാതെ ബുദ്ധിമുട്ടും .ഇനി ഒരു വീട് വയ്ക്കാൻ ഇവരിൽ എത്രപേർക്കാവും എന്നതും കണ്ടറിയണം

2019, ഓഗസ്റ്റ് 20, ചൊവ്വാഴ്ച

കാശ്മീർ ചില സ്വതന്ത്ര ചിന്തകൾ

കാശ്മീർ
ചില സ്വതന്ത്ര ചിന്തകൾ
ഏതാണ്ട് 70 വർഷമായി ഭാരതവും പാക്കിസ്ഥാനുംതമ്മിൽ   അതി രൂക്ഷമായ  അതിർത്തി തർക്കം നിലവിൽ ഉണ്ട് .എന്ന് തന്നെയല്ല..ലോകത്തിലെ ഏറ്റവും ശക്തമായ അതിർത്തിക്കി തർക്കമായാണ് ഇതിനെ വിലയിരുത്തപ്പെടുന്നത് താനും .

അതെല്ലാം അവിടെ നിൽക്കട്ടെ എന്തിനു കാശ്മീരിനെ  ഇങ്ങിനെ കേന്ദ്ര ഭരണ പ്രദേശമാക്കി,തങ്ങളുടെ നേരിട്ടുള്ള ഭരണത്തിന് കീഴിൽ കൊണ്ട് വന്നു?
തീവരവാദം അവസാനിപ്പിക്കാമോ

മതപരമായി കാരണങ്ങൾ എന്താവും ?
കാശ്മീരിൽ പണ്ഡിറ്റുകൾ പീഡിപ്പിക്കപ്പെടുന്നു എന്ന് വളരെ കാലമായി ബിജെപി കേഴുന്നു .അവരെ പുനരധിവസിപ്പിക്കാനാണോ ഈ കടും കൈ ചെയ്തത്
1,157,394 ആണ് കാശ്മീരിലെ മൊത്തം ജനസംഖ്യ .അതിൽ 1,083,766 പേരും മുസ്ലിമുകൾ ആണ് .ഏതാണ്ട് 94 %.ആ കണക്ക് അട്ടി മറിക്കാൻ ബിജെപിക്ക് ആകുമോ .ഇല്ല തന്നെ .
ജമ്മു കാശ്മീർ ഇന്ത്യൻ യൂണിയനിൽ ലയിച്ചപ്പോൾ ഒരു ഹിന്ദു രാജാവായിരുന്നു കാശ്മീർ ഭരിച്ചിരുന്നത് .വിഭജനം നടന്നപ്പോൾ ,മുസ്ലിമുകളോടെ പാക് അധീന കാശ്മീരിലേക്ക് പോകാനാണ് ആവശ്യപ്പെട്ടത്.വളരെ അധികം മുസ്ലിമുകൾ ജമ്മുവിൽ നിന്നും പാകിസ്ഥാനിലോയ്ക്ക് പോവുകയും ചെയ്തിരുന്നു .വിഭജനത്തിനു മുൻപ് ഹിന്ദു മുസ്ലിം ഭരണാധികാരികൾ മാറിയും മറിഞ്ഞു ഈ രാജ്യം ഭരിച്ചിരുന്നു.എന്നതാണ് വാസ്തവം 
ഇനി ഭൂമിശാസ്ത്രപരമായ കാര്യങ്ങൾ കൊണ്ടാണെങ്കിൽ ..ജമ്മു കാശ്മീർ  തന്ത്ര പ്രധാനമായ ഒരു ഭൂ പ്രദേശമായിരുന്നു.കാറ ക്കോറം മലനിരകളിൽ  നിന്ന് ഭാരതത്തിലേക്കുള്ള..ഒരു കവാടം ആയിരുന്നു ജമ്മു കാശ്മീർ .അഫഗാനിസ്ഥാൻ,ചൈന,പാകിസ്ഥാൻ ,മറ്റു ചില ഏഷ്യൻ രാജ്യങ്ങൾ ..ഇവർക്കൊക്കെ ഭാരതത്തിലേക്ക് കടന്നു ആക്രമിക്കാൻ ഒരേ ഒരു വഴിയുള്ളത് ,ഈ മലനിരകളിൽ ജമ്മു കാശ്മീരിൽക്കൂടിയാണ്.കരസേനയാണല്ലോ അന്നൊക്കെ യുദ്ധത്തിന് പ്രധാനമായി ഉണ്ടായിരുന്നത് .ഈ ശത്രു രാജ്യങ്ങളുടെ  പട്ടാളം ഭാരത്തിൽ പ്രവേശിച്ചാൽ നമുക്ക് ഉചിതമായി പ്രതിരോധിക്കാൻ ജമ്മു നമ്മുടെ അധീനതയില്  ഉണ്ടായേ മതിയാകുമായിരുന്നുള്ളൂ .റഷ്യയുടെ പതനത്തിനു ശേഷം അഫ്ഗാനിസ്ഥാൻ ,തീവ്രവാദികളുടെ മേച്ചിപ്പുറമായതും നമുക്കൊരു തല വേദന തന്നെ ആയിരുന്നു.
അത് കൊണ്ട് തന്നെ നമ്മൾ ജമ്മു കാശ്മീരിനെ പാകിസ്ഥാനോ മറ്റു ആർക്കുമോ വിട്ടു കൊടുക്കുകയില്ല.അന്നും ഇന്നും .എന്നാൽ ഇന്ന് കര സേനയാണ് യുദ്ധത്തിലെ പ്രധാന ആയുധം..മിസൈലുകളും ബോംബുകളും ഒക്കെയാണ്.വായുസേനയുടെ പ്രാധാന്യവും മറക്കരുത് .ഇതെല്ലാം ഇപ്പോഴും ഈത്തരത്തിലൊരു  പുതു മാറ്റത്തിന് ഹേതുവാകുന്നില്ല 
പിന്നെ രാഷ്ട്രീയമായ കാര്യങ്ങൾ എന്താവും ഒരു സുപ്രഭാതത്തിൽ ഈത്തരം ഒരു മാരകമായ തീരുമാനം എടുക്കാൻ ഈ സർക്കാരിനെ പ്രേരിപ്പിച്ചത് ?
"ഉണ്ടിരുന്ന അച്ചി ക്ക ഉദിമദം വന്നിട്ട് ,പുരക്കകത്തിരുന്ന  അമ്മിയെടുത്തു കിണറ്റിൽ ഇട്ടു "എന്ന് പറയുന്നത് പോലെ  ,കാശ്മീരിനെ തങ്ങളുടെ ചവുട്ടടിയിൽ കൊണ്ട് വന്നിട്ട് എന്ത് നേട്ടമാണുള്ളത് ?
കേന്ദ്ര ഭരണ പ്രദേശമായാലും തിരഞ്ഞെടുപ്പ് നേരിടേണ്ടതുണ്ട് .പിന്നെന്തിനീ പാഴ്വേല ..ആരെ എന്ത് കാണിക്കാനാണ് ഈത്തരം തുഗ്ലക്കിയൻ ഭരണ പരിഷ്‌ക്കാരങ്ങൾ കൊണ്ട് വരുന്നത് ?


ഇനി തീവ്രവാദത്തെ അടിച്ചമർത്താൻ ആണെങ്കിൽ ..
ആണെങ്കിൽ നമുക്ക് എന്തും ചെയ്യാനാകും എന്ന് നോക്കാം 
പാകിസ്ഥാൻ സൈനിക വ്യൂഹത്തിൽ അവരുടെ യൂണിഫോമിൽ ,ഏതാണ്ട് പകുതിയിലേറെപ്പേർ ,തീവ്രവാദികൾ ആണ്.അവർക്ക് അത്യാന്താധൂനിക  ആയുധങ്ങൾ ലഭിക്കുന്നത്,ഒരേ ആയുധപ്പുരകളിൽ നിന്നാണ്.അവർക്ക് വേതനം ലഭിക്കുന്നതും അതെ ഖജനാവിൽ നിന്നാണ് .എന്താണ് നമുക്ക് മുന്നിൽ ഒരു പോംവഴി എന്നാണു നിങ്ങൾ കരുതുന്നത് ?
ഇനി അതിർത്തിയിൽ , നുഴഞ്ഞു കയറ്റം..അതിനെ നിയന്ത്രിക്കാൻ ആണെങ്കിൽ..ഏറ്റവും മാരകമായി സീആർ പിഎഫ് ജവാന്മാരെ കൊന്ന  ആക്രമണം ഒരു ഇന്ത്യൻ പൗരൻ ആണ് ചെയ്തത് എന്ന് മറക്കരുത് 
തീവ്രവാദം..അതിപ്പോൾ മുസ്ലിം തീവ്രവാദം എന്ന ലേബലിൽ ആണല്ലോ അറിയപ്പെടുന്നത്.അവർ തങ്ങളുടെ കൂടെ ആളുകളെ കൂട്ടുന്നത് ,നല്ല തുക ആദ്യമേ നൽകിയാണ് ,മിക്കപ്പോഴും പത്തും പതിനഞ്ചും ലക്ഷം രൂപ നൽകിയാണ് അവർ തങ്ങളുടെ നിരയിലേക്ക് ആളുകളെ എടുക്കുന്നത് .സാമ്പത്തിക ഞെരുക്കമുള്ള ചെറുപ്പക്കാർ ഈ കെണിയിൽ വീണു പോവുകയാണ് പതിവ് .
പാകിസ്ഥാനിൽ നിന്ന് മാത്രമല്ല ഇന്ത്യയിലേക്ക് ഇവർ നുഴഞ്ഞു കയറുന്നതും.സിറിയയിലേക്ക് ഇവിടെ നിന്നും പോയ ചെറുപ്പക്കാരെ ഓർത്ത് നോക്കൂ.അവരുടെ കുടുമ്പം ഇതിനെ കുറിച്ച് ഒന്നും അറിയില്ല എന്ന് പറയുണ്ട്.എന്നാൽ അത് ശുദ്ധ നുണയാണ്.കുടുമ്പത്തെ രക്ഷിക്കാൻ ,വീട് വച്ചതിന്റെ കടം തീർക്കാനൊക്കെയാണ് ഇവർ ഐ സിസിൽ ചേരുന്നത്.
 മൊത്തം കണക്കെടുത്താൽ ,232 രാജ്യങ്ങളിൽ ആയി ഏതാണ്ട്  179 കോടി മുസ്ലിമുകൾ  ലോകത്തിൽ ഉണ്ട് .ലോക ജനസംഖ്യയുടെ ഏതാണ്ട് 24 %ജനങ്ങൾ മുസ്ലിമുകൾ ആണ് .
പാകിസ്ഥാൻ മാത്രമല്ല നമ്മുടെ ഭീഷണി എന്നാണു ഞാൻ പറഞ്ഞു വയ്ക്കുന്നത്..യൂറോപ്പിലും മറ്റു മുന്നോക്ക രാജ്യങ്ങളിലും  ഭീകര ആക്രമണം അഴിച്ചു വിടാൻ ഈ തീവ്രവാദികളെ സഹായിക്കുന്നതും ഈ കനത്ത ജന സംഖ്യയാണ്  .അത് കൊണ്ട് തന്നെ ഇരുട്ട് കൊണ്ട് ഓട്ട  അടക്കുന്നത് പോലെ വ്യർഥമാണ്..അതിർത്തി അടയ്ക്കാനുള്ള നമ്മുടെ ശ്രമം .തീവ്രവാദികൾ ഇനിയും മുളച്ചു പൊങ്ങിക്കൊണ്ടേ ഇരിക്കും.വലതു പക്ഷ തീവ്രവാദത്തിനു,അമേരിക്കക്കു ,ബ്രിട്ടന് ,ഓസ്‌ട്രേലിയക്ക് ,ഇസ്രായേലിന് , ..ഒന്നും തന്നെ ഇവരെ ചെറുക്കാനുള്ള ഒരു ബൃഹത്തായ മനുഷ്യ ശൃഖല  ഇല്ലഎന്നതാണ് വാസ്തവം  .ലോക ജനസംഖ്യയുടെ  24 % പേർ സൂക്ഷ്മമായി തങ്ങളുടെ ജാതിയിലുള്ളവരെ ,മതത്തിലുള്ളവരെ ,കൃത്യമായ ആസൂത്രണത്തോടെ ,സംഘടിപ്പിക്കുന്ന ,ഭീകരാക്രമണങ്ങളെ  ചെറുക്കാൻ ,ആർക്കാണ് കഴിയുക?
പല രാജ്യങ്ങളിൽ ആയി കിടക്കുന്ന അന്യ മതസ്ഥരായ മറ്റു,രാജ്യക്കാർക്ക് ,ചെറുക്കാനാവില്ല..നമ്മൾ ഭാരതത്തിനും അത് തന്നെ അവസ്ഥ  

കാശ്മീരിന് മറ്റ് സംസ്ഥാനങ്ങളെക്കാൾ എന്താണ് മേന്മ ?
പ്രത്യേകിച്ച് ഒന്നുമില്ല..

അതായത് ഞങ്ങൾ സാധാരണ ജനങ്ങൾക്ക് കാശ്മീർ കേന്ദ്ര ഭരണ പ്രദേശമായി പ്രഖ്യാപിച്ചതിൽ വിഷമം ഒന്നുമില്ല.
കാശ്മീരിലെ സാധാരണ ജനങ്ങൾക്കും ഇതൊരു വിഷയമല്ല
ആർഎസ്എസ് ആഗ്രഹിക്കുന്നത് പോലെ,പണ്ഡിറ്റുകൾ തിരികെ  കാശ്മീരിലേക്ക് തിരികെ വരാനും പോകുന്നില്ല .
അവരുടെ സ്വത്തുക്കളെല്ലാം തന്നെ മറ്റുള്ളവർ കയ്യേറി സ്വന്തമാക്കി എന്നതാണ് വാസ്തവം
1963 ഇൽ  ആണ് പോണ്ടിച്ചേരി ,ഫ്രാൻസിൽ നിന്നും സ്വാതന്ത്ര്യം നേടി ഭാരതത്തിന്റെ കീഴിൽ ഒരു കേന്ദ്ര ഭരണ പ്രദേശമാകുന്നത് .
അത് പോലെയേ കാശ്മീർ വിഷയത്തിലും കേന്ദ്ര സർക്കാരിന്റെ തീരുമാനത്തെ കാണേണ്ടതുള്ളൂ.
ആർ എസ് എസ്  കാശ്മീർ വിഷയത്തിൽ തങ്ങളുടെ ദംഷ്ട്ര മറച്ചു വച്ചിട്ടുമില്ല
കോൺഗ്രസ് ഭരിക്കുമ്പോൾ..നമ്മുടെ ഒക്കെ ഒരു ഭയം  കാശ്മീരിനെ തൊട്ടാൽ അണു  ബോംബ് പൊട്ടുമെന്ന തരത്തിലായിരുന്നു .
സ്വാത ന്ത്ര്യത്തിനു ശേഷം,എന്താണ് കാശ്മീരിന്റെ ചരിത്രം...
..എന്ന് നമുക്കൊന്ന് നോക്കാം
1956 വരെ ജമ്മു കാശ്മീർ മുഖ്യമന്ത്രീയെ നമ്മൾ പ്രധാന മന്ത്രി എന്നാണു സംബോധന ചെയ്തിരുന്നത്. 17 നവമ്പർ 1956 നു ജമ്മു കാശ്മീരിന് സ്വന്തമായി  ഒരു ഭരണഘടന എഴുതി ഉണ്ടാക്കി .26 ജനുവരി 1957 നു അത് നിലവിൽ വന്നു.ഇന്ത്യൻ സംസ്ഥാനങ്ങളിൽ അങ്ങിനെ സ്വന്തമായി ഒരു ഭരണ ഘടന ഉള്ള ഏക സംസ്ഥാനം ജമ്മു കാശ്മീരാണ്
 ഈ കാശ്മീർ  ഭരണ ഘടനയിൽ ,ആർട്ടിക്കിൾ  48 ൽ   നാലാം ഭാഗത്ത് പാക് അധീന   കാശ്മീരിന് കുറിച്ച് പറയുന്നുണ്ട് .. മൊത്തം 88 സീറ്റുകൾ  ആണ് കാശ്മീർ നിയമ സഭയിൽ ഉള്ളത് .അതിൽ 24 എണ്ണം പാക് അധീനതയിൽ ഉള്ള   കാശ്മീരിന് വേണ്ടി ഒഴിച്ചിട്ടിരിക്കുകയാണ്.അവർ ജമ്മു കാശ്മീരുമായി കൂടിച്ചേരുമ്പോൾ കൊടുക്കാനായി ഒഴിച്ചിട്ടിരിക്കുകയാണ് ഈ സീറ്റുകളത്രയും .

ഇന്ത്യൻ ഭരണ ഘടനയിൽ ആർട്ടിക്കിൾ 5 പാർട്ട് 2
പ്രകാരം,പ്രതിരോധം ,ധനകാര്യം,വാർത്ത വിനിമയം ,വിദേശ കാര്യം,എന്നെ വകുപ്പുകൾ കേന്ദ്ര സർക്കാരിന്റെ അധീനതയിൽ ആണ് .,മറ്റു സംസ്ഥാനങ്ങളിലും അത് തന്നെ സ്ഥിതി
നമ്മുടെ ഭരണ ഘടന എഴുതി ഉണ്ടാക്കിയതിന് ശേഷം ,അനേകം പ്രാവശ്യം,നമ്മൾ ഭരണ ഘടന ഭേദഗതി ചെയ്തിട്ടുമുണ്ട് .അതിൽ ഈത്തരുണത്തിൽ ഏറ്റവും പ്രസക്തമായത്..

24ലാമത്തെ ഭരണ ഘടന ഭേദഗതിയാണ്.അതിൽ പറയുന്നത് പാർലമെന്റിനു ഭരണ ഘടന ഭേദഗതി ചെയ്യാൻ അനുവാദമുണ്ട് എന്നാണ് .രാഷ്ട്രപതി അനുമതി നല്കണം എന്നതാണ് ഒരു വ്യവസ്ഥ .മൗലീകാവകാശ  ത്തോടു  അവലംബിച്ചാണ് ഈ ഭേദഗതി.
അപ്രഖ്യാപിത അടിയന്തിരാവസ്ഥയാണ് ഇപ്പോൾ നിലവിലുള്ളത് .ആദ്യമൊക്കെ ഇന്റർനെറ്റും ലാൻഡ് ലൈനുകളും വരെ നിരോധിച്ചു..പിനീട് പത്ര പ്രവത്തകർക്കും മാധ്യമങ്ങൾക്കും വാർത്തകൾ പ്രസിദ്ധീകരിക്കാനുള്ള അനുമതിയും പ്രവർത്തന സ്വാതന്ത്ര്യവും അനുമതി നിഷേധിച്ചു .
ഏറ്റവും അത്ഭുതപ്പെടുത്തിയത് ഏതാണ്ട് ആറായിരം പൊതു പ്രവർത്തകരെ ,പ്രതിപക്ഷ നേതാക്കന്മാരെ എല്ലാം ..തടങ്കലിൽ  അടച്ചിട്ടിരിക്കുന്ന എന്നതാണ്.കാശ്മീരിലെ ജയിലുകൾക്ക് ഇത്രയും പേരെ പാർപ്പിക്കാൻ ഉള്ള സ്ഥല സൗകര്യം ഇല്ല എന്നത് കൊണ്ട് പട്ടാള വിമാനങ്ങളിൽ .കൊണ്ട് പോയി ഇവരെ മറ്റു സംസ്ഥാന ങ്ങളിലെ ജയിലിൽ  അടച്ചിരിക്കുകയാണ്.അത് തന്നെയാണ് ഇന്ദിര ഗാന്ധിയും അന്ന് ചെയ്തത് .അന്നേറ്റവും  കൂടുതൽ വേട്ട ആടപ്പെട്ടവരുടെ .ജയിലിൽ അടക്കപ്പെട്ടവരുടെ ,കൂട്ടത്തിൽ ആർഎസ് എസു,നേതാക്കളും ഉണ്ടായിരുന്നു. 
ഇന്ദിരാഗാന്ധി അടിയന്തിരാവസ്ഥ പ്രഖ്യാപിച്ചപ്പോൾ  ഭാരതത്തിൽ ഒരു പുതിയ രാഷ്ട്രീയ പ്രസ്ഥാനം ഉടലെടുത്തു .ജയപ്രകാശ്  നാരായണന്റെ നേതൃത്വത്തിൽ 
ആ പാർട്ടിയുടെ പേര് ജനത പാർട്ടി എന്നായിരുന്നു .
ഇപ്പോൾ ഭാരതം ഭരിക്കുന്ന രാഷ്ട്രീയ പ്രസ്ഥാനത്ത്നു മുന്നിൽ ഭാരതീയ എന്ന് കൂടി ചേർത്തിട്ടുണ്ട് എന്നെ ഉള്ളൂ.
സൂചി കൊണ്ട് എടുക്കാവുന്നത് തൂമ്പ കൊണ്ട് എടുക്കാനുള്ള ശ്രമാണ് ഇപ്പോൾ നടക്കുന്നത്   .















2019, ജൂലൈ 15, തിങ്കളാഴ്‌ച

ഗന്ധം

ഗന്ധം മനുഷ്യ മനസുകളിൽ ചെലുത്തുന്ന സ്വാധീനം അളവറ്റതാണ് .
 എ സ് കെ പൊറ്റക്കാടിന്റെ  ഒരു പുസ്തകത്തിൽ ടയർ  കത്തുന്ന മണം  കേട്ടാൽ കാമാതുരനാകുന്ന  പുരുഷനെ  കുറിച്ച് എഴുതിയിട്ടുണ്ട് .
മത്സ്യ ഗന്ധിയായ സത്യവതിയുടെ ഗന്ധം, മുനി  മാറ്റി കൊടുത്തതും നമുക്കറിയാം.ഒരു  പള്ളി സ്‌കൂളിൽ ആണ്  പഠിച്ചിരുന്നത്.ശവം കൊണ്ട് വരുമ്പോൾ അവർ  കുന്തിരിക്കം കത്തിക്കും .  ഇപ്പോഴും കുന്തിരിക്കം കത്തിക്കുമ്പോൾ എനിക്ക് മരണത്തിന്റെ ഗന്ധമാണ് അതെന്നാണ് തോന്നാറ് .മുല്ലപ്പൂവിന് എനിക്ക് മൂത്ത സഹോദരന്റെ ഓർമ്മയാണ് .ഞങ്ങൾ  അനിയത്തിമാർ  വരുമ്പോൾ  മുറ്റത്തെ ഈർക്കിൽ മുല്ല യിലേ മൊട്ടുകൾ  മാലയാക്കി ഞങ്ങളുടെ  മുടിയുടെ നീളമനുസരിച്ചു ,മുറിച്ചു കയ്യിൽ തരും .അതിൽ സ്നേഹവും  സുഗന്ധവും കരുതലും ഉണ്ടായിരുന്നു  .
പിന്നെ ഹര്ഷോന്മാദം നൽകിയ ഗന്ധം..പുതു പുസ്തകങ്ങളുടെ ആയിരുന്നു .പുസ്തകം കിട്ടിയാൽ മണത്തു നോക്കും .ലൈബ്രറിയിലെ പഴയ പുസ്തകങ്ങൾ അല്ല.സ്‌കൂൾ തുറക്കുമ്പോൾ  കിട്ടുന്ന ടെക്സ്റ്റ് ബുക്കുകൾ..നോട്ട് ബുക്കുകൾ ..ഇവയ്ക്ക് രണ്ടും രണ്ടു ഗന്ധമാണ് .എങ്കിലും രണ്ടും ഇഷ്ട്ടമായിരുന്നു ..പോകെ പ്പോകെ..കടലാസുകളുടെ ഗന്ധം മാത്രമായി ജീവിതത്തിൽ ജീവിതത്തിൽ. നിങ്ങൾ ..ഓരോരുത്തരും എഴുതിയ ,ഞാൻ  ഓർമ്മിക്കാത്ത മുലപ്പാലിന്റെ സൗമ്യ മായ ഗന്ധം ,അതൊരു വേദനയും വേർപാടും ഒക്കെ ആയിരുന്നു.56 ദിവസം മാത്രം പ്രായമുള്ള  കുഞ്ഞിനെ തനിച്ചാക്കി ഓഫീസിൽ പോകുമ്പോഴുള്ള നെഞ്ചിലെ  വേദനയുടെ ഗന്ധം. എനിക്കറിയില്ല അത് നിങ്ങൾക്ക് വിശദീകരിച്ചു തരാൻ .
ബസിലെ  ഉരുമ്മിയിരിക്കുന്ന സ്ത്രീ പുരുഷന്മാരുടെ ശരീര ഗന്ധം  അസാധ്യതമായ അസഹ്യതയാണുണ്ടാക്കിയിരുന്നത്
അത്തറിന്റെ ,കത്തുന്ന മുല്ലപ്പൂ ഗന്ധം മടുപ്പിച്ചിട്ടുണ്ട് .മസ്കിന്റെ പുരുഷ ഗന്ധത്തെ ഇപ്പോഴും സ്നേഹമാണ്
.അങ്ങിനെ അങ്ങിനെ..എത്രയെത്ര ഗന്ധങ്ങൾ ,സുഗന്ധങ്ങൾ  ,ദുർഗന്ധങ്ങൾ ..നമുക്ക് ചുറ്റും
എന്നും എന്നെ അലട്ടിയിരുന്നത് ..ഏകാന്തതയുടെ ഗന്ധം എന്താണ് എന്നതാണ്.വ്യവച്ഛേദിക്കാൻ വയ്യാത്ത ആ ഗന്ധമാണ് എന്നിൽ നിന്നും പ്രസരിക്കുന്നത് 

2019, ജൂൺ 13, വ്യാഴാഴ്‌ച

നുണ ,പെരും നുണ ..They Lied By Rebekah Coomber



നുണയന്മാർ 
റബേക്ക കൂമ്പർ 
പെൺ കവിതകൾ 
അവർ പറഞ്ഞു
നല്ല ഒരു ജീവിതമാണ് നിങ്ങൾക്ക്  കിട്ടാൻ പോകുന്നത്
നുണ ,ശുദ്ധ നുണ
എല്ലാം പെട്ടിയിലാക്കി
ഒരു തീവണ്ടിയിൽ ഉന്തി കയറ്റി
ഉപ്പിലിട്ട മീൻ പാട്ട കയ്യിലേക്ക് തന്നു
അവർ ഞങ്ങളെ യാത്ര ആക്കി
എങ്ങോട്ടാണ് എന്ന് പറഞ്ഞില്ല
പക്ഷെ ഉടനെ  അവിടെ  എത്തും
എന്നു പറഞ്ഞു
നുണ .നട്ടാൽ കുരുക്കാത്ത നുണ
പകുതി പേർ വഴിയിൽ പൊലിഞ്ഞു
പകുതി പേർ മരിക്കാറായി
അങ്ങിനെ ഞങ്ങളെത്തി
നാസി ക്യാമ്പിൽ
കുടുമ്പങ്ങൾ  വേർ  പിരിഞ്ഞു
മനുഷ്യർ തനിയെ ആയി
വിഷമിക്കേണ്ട ,നിങ്ങൾ വീണ്ടും കണ്ടു മുട്ടും ,ഒന്നിക്കും
നുണ ,വെറും നുണ
അന്തസുള്ള  മനുഷ്യരായിരുന്നു ഞങ്ങൾ അതേവരെ
എന്നാൽ അവർ പുറത്തു കൊണ്ട് പോയപ്പോൾ
ഞങ്ങൾ വെറും ജീവികൾ മാത്രമായി
ജന്തുക്കൾ
അവരെന്താ ഞങ്ങളെ കൊണ്ടു കളിക്കുകയാണോ
ഞങ്ങളെ വിധിക്കാൻ ആരാണ് അവരെ അധികാരപ്പെടുത്തിയത് ?
ഇതെല്ലാം ഉടനെ അവസാനിക്കും അവർ പറഞ്ഞു
നുണ ,പെരും  നുണ
മരണ ഭയം
പോയവരാരും തിരികെ വന്നില്ല
പണിതു പണിതു നടുവൊടിഞ്ഞു
ശരീരം വേദന കൊണ്ട് നുറുങ്ങി
ഹൃദയം പൊട്ടി പിളർന്നു
ഹിറ്റ്ലർ നീണാൾ വാഴട്ടെ
അദ്ദേഹം ലോകം സംരക്ഷിക്കും
അവർ പറഞ്ഞു
നുണ ..കടും നുണ
ഉറങ്ങാനാവാതെ  കലങ്ങിയും
നിർത്താതെ കരഞ്ഞു കരഞ്ഞു വീർത്തും 
നിറഞ്ഞു കവിഞ്ഞൊഴുകുന്ന കണ്ണുകളിൽ
 ധൈര്യമെവിടെ

കഠിനമായി ജോലി എടുത്താൽ നിങ്ങൾക്ക് സ്വാതന്ത്ര്യം കിട്ടും
അവർ പറഞ്ഞു
നുണ ,ഹൃദയ ശൂന്യമായ നുണ
നിങ്ങൾ ശുദ്ധരല്ല
നിങ്ങൾ വിശ്വസിക്കാൻ കൊള്ളാത്തവർ  ?
നിങ്ങൾ ദുഷ്ടർ   ?
നിങ്ങൾ ഹൃദയമില്ലാത്തവർ  ?
നിങ്ങൾ കഠിന  മനസ്സുള്ളവർ ?
നിങ്ങൾ ജൂതരെല്ലാം കൊള്ളരുത്താത്തവരാണ് 
നുണ
രക്തം പൊടിക്കുന്ന നുണ
 അവരോടു ഞാൻ പറഞ്ഞു
ഞാൻ ദൈവ പുത്രനാണ്
കനത്ത ഇരുട്ടിലെ പ്രകാശമാണ് ഞാൻ
അവർ പറഞ്ഞു
നീ കൊള്ളരുതാത്തവൻ
നുണ നുണ നുണ
അവർ നുണയന്മാർ

They Lied
By Rebekah Coomber

ഇംഗ്ലണ്ടിൽ നിന്നും ആസ്ട്രിയ സന്ദർശിക്കാൻ പോയ ഒരു സംഘം വിദ്യാർഥികൾ ,അതിലൊരാൾ ആണ് ഈ കവി 
ഹോളോകോസ്റ്റിന്റെ ഏറ്റവും ഭീകരത അനുഭവിക്കേണ്ടി വന്ന ഒരു രാജ്യമാണ്  ആസ്ട്രിയ 
hail hitler 'എന്ന് പറഞ്ഞാൽ ആ രാജ്യത്ത് അത് ക്രിമിനൽ കുറ്റമാണ് .അത്ര കടുത്ത വെറുപ്പാണ് ആ രാജ്യത്തിന്  നാസികളോടുള്ളത് .
ഇപ്പോൾ പതിനാറു വയസുമാത്രമുള്ള റബേക്കക്കു ആ യാത്ര ഒരു വല്ലാത്ത അ നുഭവമായിരുന്നു
തിരികെ നാട്ടിൽ എത്തി അവൾ എഴുതിയ വരികളാണ് ഈ കവിത 
അവർ പറഞ്ഞതെല്ലാം നുണയായിരുന്നു 
ഹോളോകോസ്റ് ..ഒരിക്കലും അതിനെ പറ്റി എഴുതാനോ സംസാരിക്കാനോ ആകാത്ത ഒരു വ്യക്തിയാണ് ഞാൻ .നാസി ഭീകരതകൾ വിവരിക്കുന്ന അനേകംബ്ളാക് ആൻഡ് വൈറ്റ്  സിനിമകൾ .. .അനേകം നോവലുകൾ .ഇവയെല്ലാം പതിനാറോ പതിനേഴോ വയസിൽ എന്നിലുണ്ടാക്കിയ ആഘാതം അത്ര കടുത്തതായിരുന്നു 
അന്നുംഇന്നും  ജൂതർ ധനികരാണ് ..അന്നും ഇന്നും ജൂതർ ശക്തരാണ് ,അന്നും ഇന്നും ജൂതർ കൂർമ്മ ബുദ്ധിയുള്ളവരാണ് ,പിശുക്കരും ,വലിയ മത ബോധമുള്ളവരും ,തങ്ങളുടെ സംസ്കാരങ്ങളെ,രീതികളെ പഴയപോലെ തന്നെ പിന്തുടരാൻ ശ്രമിക്കുന്നവരാണ് .തങ്ങളുടെ രക്തം അന്യ മതസ്ഥരുടെ രക്തവുമായി കൂടിക്കലരുന്നതും അവർക്ക് ഇഷ്ടമില്ല .നിവൃത്തിയില്ലെങ്കിലേ അവർ മറ്റു മതങ്ങളിൽ നിന്നും വിവാഹം പോലും  കഴിക്കൂ . പണം കടം കൊടുക്കുന്നതായിരുന്നു ജൂതരുടെ അക്കാലത്തെ ഒരു പ്രധാന വ്യാപാരം..ഇപ്പോഴവർ ആയുധവ്യാപാരവും മറ്റും മറ്റുമാണ് നടത്തുന്നത് .ലോകത്തെ ഏറ്റവും ആസ്തിയുള്ള 100 കമ്പനികളിൽ ഏതാണ്ട് എഴുപതെണ്ണവും ജൂതരുടെ കയ്യിലാണത്രെ 
ഹിറ്റ്ലറുടെ സമയത്തും കാര്യങ്ങൾ ഇങ്ങിനെ ഒക്കെ ത്തന്നെയാണ് .ജർമ്മൻ ജനതയുടെ പതിനൊന്നു ശതമാനം മാത്രമേ ജൂതരുള്ളൂ ,അന്നത്തെ ജർമനിയുടെ ആസ്തിയുടെ എൺപതു ശതമാനവും ജൂതരുടെ കയ്യിലാണ് 
ഈ പതിനൊന്നു ശതമാനത്തെ ഇല്ലാതാക്കിയാൽ ,അവരുടെഅധീനതയിലുള്ള  80 % ആസ്തികളും നാസികളുടെ കയ്യിൽ എത്തും .അതായിരുന്നു ഹോളോകോസ്റ്റിന്റെ എക്കണോമിക്സ് .അവരുടെ  ഉന്മൂലനം 
അത് നടപ്പാക്കാൻ ഹിറ്റ്ലർ അത് കൊണ്ടാണ് തുനിഞ്ഞത്  ..വേഴ്സ്സായ് ഉടമ്പടികൊണ്ട്  ഹിറ്റ്ലർ  ആ സമയത്ത് വലിയ സാമ്പത്തിക ബാധ്യതയിലുമായിരുന്നു 
ലക്ഷക്കണക്കിന് ജീവനുകൾ ,അതി ക്രൂരമായി ഇല്ലാതാക്കിയ നൃശംമ്യത .അതാണ് കവിതയുടെ ആശയം 
.....................
 വളരെ ലളിതമായ ,നേരെയുള്ള എഴുത്ത് 
പദങ്ങൾ ഉപയോഗിക്കുമ്പോൾ ഉള്ള കരുതൽ 
മനസിലെ ക്ഷോഭം അങ്ങിനെ തന്നെ നമ്മിലേക്ക് എത്തിക്കാൻ കഴിഞ്ഞ തെളിമ 
ഇതെല്ലം ഈ കവിതയെ നമ്മോടു അടുപ്പിക്കുന്ന ഘടകങ്ങൾ ആണ്
.....................................
 ശുഭ ദിനം പ്രിയരേ 






2019, മേയ് 31, വെള്ളിയാഴ്‌ച

kp cars cst additional reply

Reply of defence 

In continuation of my earlier reply, I may be permitted to file an additional reply 
as follows
As far as the  CST  assessment completed for the year 2013-14 the audit observed that the addition proposed in the main notice under KVAT ACT 2005 is not being pursued in the CST assessment order.
In this connection, I may be permitted to reply that 
CST assessment was finalised separately on a date other than the date of finalizing the VAT assessment They produced all mandatory, C forms pertaining to their interstate sales. This has been verified and found correct. Hence CST assessment was completed, dropping the addition proposed. But this fact was not recorded in the original VAT order.VAT order was already finalised and while completing VAT order, CST  assessment details were not updated in it. As far as the CST assessment is concerned, there were no irregularities noticed and hence the original proposal was not pursued. But this fact was not recorded in the body of the VAT assessment order. It is only a defect that is technical in nature. No revenue loss has happened to the exchequer. The audit is not pursuing this in the draft para. Hence I request you to drop this allegation and exonerate me from the charges leveled against me 
The second defect pointed out  by audit is as under 

"Sales return  to the tune of Rs 2992421/- has been proposed in the pre-assessment notice. but it was not pursued further."
In this connection, I may be permitted to reply as follows 

While scrutinizing the monthly returns filed along with entries in KVATIS, for the months of October 2013 and November 2013, t theses sales return had been unearthed. Notices had been issued upon the assessee company, to produce details of these sales returns, and they failed to do so. Accordingly, this turnover had been assessed to tax vide these office proceedings No  32070438628/2013-14(11/2013) dtd 16.05.2014.
In the KGST Act, there was a provision for provisional assessment of monthly returns filed. All these provisional assessments, completed, became, null and void, as and when the final assessment is completed. Under the  KVAT ACT there is no such provision for automatically annulment, monthly returns already completed.it is under the one and same provision both monthly assessments and provisional assessments are finalised. Hence if that turnover cannot be assessed again. So the turnover of sales return was not pursued in the final KVAT order 
Hence this turnover was not again assessed in the VAT  order.No mistake was there in dropping the turnover already proposed in the pre-assessment notice.
Hence I request you again to exonerate me from the charges leveled against me 
                                                                                                       


                                                                                                                                                                                                                                                                          Yours Faithfully

                                                                                                                                                                                                                                                                         V.G UMA DEVI
                                                                                                       (Asst.commissioner,Assessment,
                                                                                                        Special Circle, 111,Ernakulam.
                                                                                                         Retired)
Edappilly
01.06.2019





2019, മേയ് 13, തിങ്കളാഴ്‌ച

narendra modi

കൊടുത്താൽ കൊല്ലത്തും കിട്ടും എന്ന് കേട്ടിട്ടേ ഉള്ളൂ
രാഹുൽ ഗാന്ധിയെ പപ്പു എന്ന് കളിയാക്കിയവർക്ക്
ഇപ്പോൾ മോഡിയുടെ മണ്ടത്തരങ്ങളെ പ്രതിരോധിക്കാൻ കഴിയുന്നില്ല
മുൻകൂട്ടി എന്തൊക്കെയാവുംക്വസ്റ്റിൻസ്‌ എന്ന് മാഗസീൻ എഴുതി കൊടുത്ത് ,അതിനു ഉപദേശകർ കൊടുത്ത മറുപടി ആവുമല്ലോ അദ്ദേഹം പറഞ്ഞിരിക്കുക .
സ്വന്തം നിലയിൽ ഇങ്ങിനെ മണ്ടത്തരം പറയാൻ മാത്രം വിഡ്ഢിയല്ല മോഡി എന്നതാണുവാസ്തവം
എങ്കിൽ ഇത്രയും കൊല്ലം രാഷ്ട്രീയത്തിൽ,മുൻ നിരയിൽ , നില നിൽക്കാൻ മോദിക്ക് ആവുമായിരുന്നില്ല
.അദ്ദേഹത്തിന്റെ ഉപദേശകർ പണി കൊടുക്കുകയാണ് എന്ന് തോന്നുന്നു .
ആർ എസ് എസ് ഈ തിരഞ്ഞെടുപ്പിൽ ബിജെപിക്ക് സപ്പോർട്ട് കൊടുക്കില്ല എന്ന് കേട്ടിരുന്നു
കൂട്ടി വായിക്കണോ

2019, മേയ് 11, ശനിയാഴ്‌ച

thrishoor pooram

ശിവ
പുകവലിക്കെതിരെ എന്ത് മാത്രം ബോധവൽക്കരണമാണ് നടക്കുന്നത്
ഇന്ത്യൻ ടുബാക്കോ കമ്പനിയൊക്കെ ഇപ്പോൾ വേറെ ഫീൽഡിൽ ആണ് ബിസിനസ് നടത്തുന്നത് .അവരുടെയൊക്കെ വിറ്റു വരവ് വളരെ ഏറെ കുറഞ്ഞിട്ടുണ്ട് .
വാഹനങ്ങൾക്കു സ്പീഡ് നിയന്ത്രണം കര്ശനമാണു ,ഹെൽമെറ്റ് ,സീറ്റ്  ബെൽറ്റ് ഒക്കെ നിര്ബന്ധമാക്കിയിരിക്കുന്നത് അത് മൂലമാണ് .റോഡുകളിൽ സ്പീഡ് ബ്രെകേർസ് കണ്ടിട്ടില്ലേ 
സിനിമയിൽ പുക വലിക്കുമ്പോൾ മദ്യപിക്കുമ്പോൾ ഒക്കെ ..പരസ്യം വരുന്നതു കണ്ടിട്ടില്ലേ ..പുകവലി മദ്യപാനം ഇതൊക്കെ ആരോഗ്യത്തിനു ഹാനികരമാണ്..
അതും നിയമത്തിന്റെ ഭാഗമായാണ് അവർ കാണിക്കുന്നത്
മദ്യം വാങ്ങി റോഡിൽ ഇരുന്നു കുടിക്കാൻ പാടില്ല .ഒരാൾക്ക് തന്റെ കൈവശം   ഒന്നര ലിറ്ററിൽ കൂടുതൽ മദ്യം സൂക്ഷിക്കാൻ അവകാശമില്ല.പരസ്യമായി മദ്യപിക്കുന്നതിനുള്ള സ്ഥലങ്ങൾ ആണ് ബാറുകൾ.അതിനു അനുമതി ലഭിക്കാൻ അതി ഭയങ്കരമായ നൂലാമാലകൾ ആണ് .വ്യാജ മദ്യം കൊണ്ടുള്ള മരണങ്ങൾ ഒഴിവാക്കാൻ ,കേരളത്തിൽ സർക്കാരിന് മാത്രമേ മദ്യം മൊത്തത്തിൽ വിൽക്കാൻ അധികാരമുള്ളൂ.ബാറുകൾക്ക് ബീവറേജിന്റെ ഔട്ട് ലെറ്റുകളിൽ നിന്നെ മദ്യം വാന്ഗാണ് നിയമം അനുശാസിക്കുന്നുള്ളു
ആനകൾക്കെതിരെ വ്യാപകമായ അതിക്രമങ്ങൾ ആണ് ഇവിടെ നടക്കുന്നത് .പല തരാം നിയമങ്ങൾ അവയുടെ മേൽ മനുഷ്യൻ നടത്തുന്ന അക്രമങ്ങൾക്ക് കണ്ടുഞ്ഞാൻ ഇടാൻ നമുക്കായിട്ടില്ല .
ഓരോ കൊല്ലവും എത്രയോ ആനകളെ ആണ് എഴുന്നെള്ളിപ്പിനായി ഉപയോഗിക്കുന്നത്.ആദ്യമായാണ് ഒരു ആനയെ വേണ്ട എന്ന് വയ്ക്കുന്നത്,അങ്ങിനെ എഴുന്നെള്ളിപ്പിനു ഉപയോഗിക്കരുത് എന്ന് നിയമം നിഷേധിക്കപ്പെട്ട ആദ്യത്തെ ആനയുമല്ല രാമൻ
എന്നാൽ സംഘത്തിന് വേറെ ഉന്നമാണ്
ശബരിമല കൊണ്ട് പത്തു ആളെ കിട്ടി ..ഇനി തൃശൂർ പൂരം കലക്കിയാൽ കുറേക്കൂടി പേരെ കിട്ടും.ഗുരുവായൂർ നശിപ്പിക്കാനായാൽ ഇനിയും കുറേക്കൂടി ഭക്തരെ നിങ്ങൾക്ക് മെമ്പർ മാരാക്കാം
പൂരത്തിന് ആന ഇടഞ്ഞു ആയിരം പേര് പിടഞ്ഞു മരിക്കുമെങ്കിൽ ,നിങ്ങളുടെ ഗോപാല കൃഷ്ണൻ വന്നു ഏഷ്യാനെറ്റിൽ പറയും ഞങ്ങൾ സന്തോഷിക്കുകയാണ്..ഞങ്ങൾക്ക് സന്തോഷിക്കാമല്ലോ എന്ന്
ശ്രീധരൻ പിള്ള പറയും..ഇതൊരു സുവർണ്ണാവസരമാണ് എന്ന്
കുംഭ മേള നിങ്ങൾ കലക്കിയേനെ
പിണറായി ആണ് അവിടെ മുഖ്യമന്ത്രി എങ്കിൽ
ഇതിപ്പോൾ കാവി ഉടുത്ത ഒരു സന്യാസി ആണല്ലോ ,അവിടം ഭരിക്കുന്നത്
1957 മുതൽ നിങ്ങളുടെ ബദ്ധ ശത്രുക്കളായ കമ്മ്യുണിസ്റ്റുകളും കോൺഗ്രസുമാണ് കേരളം ഭരിക്കുന്നത്
ഇന്ന് വരെ പൂരം നടന്നിട്ടുമുണ്ട് .ഒരു കുഴപ്പവും കൂടാതെ ..
ഇന്നിപ്പോൾ ബിജെപിക്ക് പത്തു അനുയായികളെ കിട്ടിയപ്പോൾ
നിങ്ങൾ ആ ക്ഷേത്രങ്ങളെ .കേരളീയ സംസ്കാരങ്ങളെ ,അതീവ ശ്രദ്ധയോടെ ,ആസൂത്രിതമായി നശിപ്പിക്കുകയാണ് .ശബരിമല നിങ്ങൾ തകർക്കുന്നത് കണ്ട അന്ധാളിപ്പ് എനിക്കിതുവരെയും മാറിയിട്ടില്ല .എന്നിട്ടിപ്പോൾ നിങ്ങളുടെ പദ്മ പിള്ള പറഞ്ഞിരിക്കുന്നു ..രാഷ്ട്രീയമാണ് ആ നടപടികൾക്ക് കാരണം എന്ന്
രാമന്റെ ഉടമ ഏതെങ്കിലും ബിജെപി നേതാവാകും ..ഉറപ്പാണ് .ഇല്ലെങ്കിൽ ആന ഉടമകളുടെ സംഘം അങ്ങിനെ ഒന്നും ഒരു തീരുമാനത്തിൽ എത്തില്ല
ഞാൻ ഇതെഴുതിയത് കൊണ്ട് ശിവന്റെ മനസു മാറും എന്നൊന്നും കരുതിയിട്ടല്ല ..
എന്തിനും മറുവാദമുണ്ടല്ലോ ..അതേയുള്ളൂ
ഞാനൊരു ദൈവ ഭക്തയല്ല
ഗോപാല കൃഷ്ണൻ പറഞ്ഞത് പോലെ ശബരിമലയിലെ നിങ്ങളുടെ ഭക്തി എന്ന് പറഞ്ഞുള്ള പരാക്രമങ്ങൾ കണ്ടു മൂക്കിൽ വിരൽ വയ്ക്കാൻ യോഗ്യത ഉള്ളവരാണ് ഞങ്ങൾ യുക്തിവാദികൾ .
എന്നാൽ കേരളമാകെ ..ഒരു വലിയ മനോഹര ക്ഷേത്രമാണ്  എന്ന നിലയിൽ ബഹുമാനിക്കുന്നവരാണ് ഞങൾ .ഒരാനയുടെ പുറത്തും ഒരു തോട്ടി മുറുക്കരുത് എന്ന് ആഗ്രഹിക്കുന്നവർ ..ഒരു ക്ഷേത്രവും നശിക്കരുത് എന്നാഗ്രഹിക്കുന്നവർ..ഒരു കാവ് പോലും വെട്ടി ത്തെളിക്കപ്പെടരുത് എന്നാഗ്രഹിക്കുന്നവർ ..
എഴുന്നെള്ളിപ്പിനു ആനകളെ ഉപയോഗിക്കുന്നത് എനിക്ക് സന്തോഷമാണ് ..കാരണം തടി വലിക്കാൻ ആനകൾക്ക് അനുവാദമില്ല.ക്രെയിനുകൾ വന്നതിൽ പിന്നെ ആനകളെ തടിപിടിക്കാൻ ,ആർക്കും വേണ്ട താനും .ഈ പാവം ജന്തുക്കൾക്ക് ഉള്ള ഏക ആദായം  ,,ഈ എഴുന്നള്ളിപ്പിൽ നിന്ന് കിട്ടുന്ന വരുമാനമാണ് .ആനകളുടെ നിത്യ നിദാനത്തിനു നല്ലതുക വേണം ..ഇപ്പോഴിപ്പോൾ ആനകളെ ആരും വാങ്ങാതെ ആയി എന്നതാണ് സത്യം .കാരണം വാണിജ്യപരമായി അതിനെ കൊണ്ട് നടക്കുന്നത് ,കനത്ത നഷ്ടമാണ് .നിങ്ങൾ പൂരപ്രേമി ആണെങ്കിൽ ആന പ്രേമി കൂടി ആകണം..ആന പ്രേമി ആയാൽ, ആനകളുടെ സങ്കടം മനസിലാക്കണം.രാജകീയ പ്രൗഢി ഉള്ള ഈ,സാധു  മൃഗങ്ങളെ എന്തുമാത്രമാണ്  നമ്മൾ മനുഷ്യര് ഉപദ്രവിക്കുന്നത് എന്ന് കൂടി അറിയണം  .രാമൻ എങ്ങിനെ അയോഗ്യൻ ആയി എന്ന് കൂടി അറിയണം ..
.പൂരത്തിന് ആനകൾക്ക് മാത്രമല്ല നിയന്ത്രണം ..വെടിക്കെട്ടിനും നിയന്ത്രണമുണ്ട് കേട്ടോ

2019, മേയ് 8, ബുധനാഴ്‌ച

പെൺനോട്ടങ്ങൾ


പെൺ കവിതകൾ
..................
പെൺനോട്ടങ്ങൾ
.............................
മൈന ഉമൈബാൻ
......................................
ഞങ്ങളുടെ ബാങ്കിൽ മാനേജര് മാറി..
'പുതിയ മാനേജറും ഞാനും കണ്ണിൽ കണ്ണിൽ നോക്കിയിരിക്കും' എന്ന്‌ അവനോട്‌ പറഞ്ഞപ്പോൾ
'പിന്നെ ഈ കെളവിയേ നോക്കാന് പോകുവല്ലേ? ' എന്നായിരുന്നു വഷളന് ചിരിയോടെ അവന് തിരിച്ചു പറഞ്ഞത്‌.
നിര്ദോഷമായൊരു തമാശയാണെങ്കിലും 'കെളവി' എന്ന പ്രയോഗം എന്നെ അസ്വസ്ഥയാക്കി.
യൗവ്വനം കടന്ന്‌ വാര്ദ്ധക്യത്തിലെത്താന് പെണ്ണിന്‌ നാൽപതൊന്നും ആവണ്ട..മുപ്പതുപോലും ആവണ്ട എന്നല്ലേ അതിന്റെ ധ്വനി.
'ഓ, ഒരു തമാശപറയാനും പാടില്ലേ?' എന്ന അവന്റെ വാക്കുകൾ ക്കപ്പുറത്ത്‌ എനിക്ക്‌ പലതും പറയാമായിരുന്നു.
അകാലനര പടര്ന്നു തുടങ്ങിയ അവന്റെ മുടിയെ നോക്കി 'ശരിക്കും നീയല്ലേ കെളവന്' എന്നാണു പറഞ്ഞിരുന്നെങ്കിൽ അവന് എന്നേക്കാള് അസ്വസ്ഥപ്പെട്ടേനേ...
പുരുഷന് അങ്ങനെയൊക്കെയാണ്‌. അവരുടെ സൗന്ദര്യം ഒരിക്കലും അസ്‌തമിക്കില്ലെന്നും പെണ്ണുങ്ങൾ ഒരു പ്രായം കഴിഞ്ഞാൽ ഒന്നിനും കൊള്ളാത്തവരാണെന്നും കരുതിപ്പോകും ചിലപ്പോൾ .

ഒന്പതാംക്ലാസ്സിൽ പഠിക്കുമ്പോഴാണ്‌ അയൽ വക്കത്ത്‌ അകാലവാര്ദ്ധക്യം ബാധിച്ച ആലീസുചേച്ചിയും കുടുംബവും താമസിക്കാനെത്തിയത്‌.
ഒട്ടിയകവിളും ഉന്തിയ കണ്ണുകളും മുടിമുക്കാലും നരച്ച്‌ ശരിക്കും വൃദ്ധരൂപം തന്നെയായിരുന്നു അവര്. എന്നാലും ആ മുടിയിൽ സ്ലൈഡുകുത്തി തിളങ്ങുന്ന ലേസുകൊണ്ട്‌ മുടി കെട്ടിയിരുന്നു അവര്.
ആലീസുചേച്ചിയും അവരുടെ സുന്ദരനായ ഭര്ത്താവും ഞങ്ങൾ നാട്ടുകാര്ക്ക്‌ കൗതുകമായിരുന്നു. മക്കൾ അവരുടെ മക്കളാണെന്നുപോലും തോന്നുമായിരുന്നില്ല.
പരിചയമായി കുറച്ചു കഴിഞ്ഞപ്പോൾ അവര് തുണിപ്പെട്ടിയിൽ നിന്ന്‌ പഴയ ചില ഫോട്ടോകളൾ എടുത്തുകാണിച്ചു. പത്തുവര്ഷം മുമ്പ്‌ തന്റെ ഇരുപതാമത്തെ വയസ്സിൽ അതിസുന്ദരിയായിരുന്നു എന്നു കാണിക്കാനായിരുന്നു അത്‌.

ദൈവത്തോട്‌ ഒരുപാട്‌ അടുത്തുനിൽക്കുകയും എപ്പോഴും പ്രാര്ത്ഥിച്ചുമാണ്‌ ആലീസുചേച്ചി സുന്ദരനായ ഭര്ത്താവിനും മക്കൾ ക്കുമിടയിൽ ജീവിച്ചത്‌.

ഞാന് നിലക്കണ്ണാടിക്കു മുന്നിൽ പോയി നിന്നു. കണ്ണും നെറ്റിയും മുഖവും സസൂക്ഷ്മം പരിശോധിച്ചു. മുടി മുന്നോട്ടിട്ട്‌ പരതി. വെളുത്ത നാരുകൾ എവിടെയെങ്കിലും.....ഇല്ല...
സമാധാനം. അപ്പോൾ ആലീസുചേച്ചി എങ്ങനെയൊക്കെ ചിന്തിച്ചിരിക്കാം.... അന്ന്‌ മുപ്പതിലെത്തിയ അവരേയും ഇന്നത്തെ എന്നേയും താരതമ്യപ്പെടുത്തി നോക്കി.

പിന്നെയും കിഴവി ഓടിയെത്തി.
ഉണ്ണി. ആര് എഴുതിയ ആനന്ദമാര്ഗ്ഗം വായിച്ച അമ്പത്തിമൂന്നുകാരി ആ കഥയിലെ ഒരു കാര്യമാണ്‌ എടുത്തു പറഞ്ഞത്‌. ഞങ്ങൾ പെണ്ണുങ്ങൾ ടൂര് പോകുന്നു എന്നു പറയുമ്പോൾ പെണ്ണുങ്ങളോ കെളവികൾ എന്നു പറയുന്ന ഒരു കഥാപാത്രം അതിലുണ്ട്‌. എല്ലാ പുരുഷന്മാരും ആ കഥാപാത്രത്തെപ്പോലെയാണെന്ന്‌ ദേഷ്യത്തോടെയും സങ്കടത്തോടെയും അവര് പറഞ്ഞു.

ചിലപ്പോൾ പെണ്ണുങ്ങൾ ചെറുപ്പത്തിൽ തന്നെ കിളവികളാകും ആണിന്‌. എന്നാൽ മറ്റു ചിലപ്പോൾ പെണ്ണിന്റെ നടപ്പും എടുപ്പും നോക്കി നില്‌ക്കും. വികാരപരവശനാകും. നാലുപേരോട്‌ പറഞ്ഞു രസിക്കും. അതുകൊണ്ടൊക്കെ ചിലര് തന്റെ ഭാര്യയേയും പെങ്ങളേയും കള്ള നോട്ടങ്ങളിൽ നിന്നു രക്ഷിക്കാന് കവചങ്ങൾക്കുള്ളിലാക്കും. അന്നുവരെ രക്ഷാകവചങ്ങൾക്കുള്ളിൽ പെടാതിരുന്നവരും അതിനുള്ളിലെ സ്വാതന്ത്യത്തെക്കുറിച്ച്‌ വാചാലയാകും. നോട്ടങ്ങളിൽ നിന്ന്‌ രക്ഷപ്പെടുന്നതിനെക്കുറിച്ച്‌ പ്രസംഗിക്കും.

നമ്മുടെ സാമൂഹ്യക്രമം ആണിനേ കണ്ണുള്ളു എന്നാക്കി തീര്ത്തിട്ടുണ്ട്‌. നിങ്ങളുടെ തോന്നലും അങ്ങനെയൊക്കെ തന്നെയാണ്‌.

ഞങ്ങൾ പെണ്ണുങ്ങൾ ക്കും കണ്ണുണ്ണുണ്ടെന്ന്‌, നോട്ടങ്ങളുണ്ടെന്ന്‌ നിങ്ങൾ ക്കറിയുമോ?
ആണിനെ കാണുമ്പോൾ നോക്കിപ്പോകും.
സുന്ദരനാണല്ലോ എന്നോ തരക്കേടില്ല എന്നോ എന്തിനുകൊള്ളാം എന്നോ മനസ്സിൽ പറയും. ചിലപ്പോൾ സഹപ്രവര്ത്തകരോട്‌, കൂട്ടുകാരിയോട്‌ പറയും.
ബാങ്കിൽ വന്ന ചെറുപ്പക്കാരനായ ഇടപാടുകാരനെ നോക്കി കൂട്ടുകാരി പറഞ്ഞു.
'ലാലുന്റെ ചുണ്ടുനോക്ക്‌ പെങ്കുട്ട്യോൾ ടെ ചുണ്ടുപോലെ'....
അതുകേട്ട്‌ ഞങ്ങൾ ആര്ത്തു ചിരിച്ചു.
ഇത്‌ ഇന്നലെ തുടങ്ങിയ ഏര്പ്പാടൊന്നുമല്ല. പത്തുപന്ത്രണ്ടുവയസ്സു മുതൽ തുടങ്ങിയതാണ്‌.
ചിലരുടെ നടപ്പ്‌, ഭാവങ്ങൾ , ചിരി, താടി, മീശ, നോട്ടങ്ങൾ എല്ലാം ഞങ്ങളുടേതായ സ്വകാര്യലോകത്തുവെച്ച്‌ കെട്ടഴിഞ്ഞു പുറത്തുവരും. ചിലരുടെ സംസാരമോ നടപ്പോ ഭാവങ്ങളോ കൂട്ടുകാരെ അനുകരിച്ചു കാണിച്ചെന്നിരിക്കും. നിങ്ങളില്ലാത്ത ഒരു സ്വകാര്യലോകം ഞങ്ങൾ ക്കിടയിലുണ്ട്‌. അവിടെ അത്ര മര്യാദക്കാരികളൊന്നുമല്ല ഞങ്ങൾ . അശ്ലീലം പറഞ്ഞെന്നും വരും. ഉറക്കെ ചിരിച്ചെന്നിരിക്കും. ഒന്നു കൂവിയെന്നിരിക്കും.

ശരീരത്തൊട്ടി കിടക്കുന്ന ചുരിദാറിനെക്കുറിച്ചോ, സാരിയുടെ ഇടയിലെ നഗ്നതയേക്കുറിച്ചോ മേലൊട്ടിക്കിടക്കുന്ന പര്ദ്ദയെക്കുറിച്ചോ നിങ്ങൾ അശ്ലീലത്തിലോ ശ്ലീലത്തിലോ നോട്ടമെറിയുകയും പറയുകയും ചെയ്യുമ്പോൾ ...ഓര്ക്കുക. ഞങ്ങളും നോക്കുന്നുണ്ടെന്ന് ..
മുണ്ടോ പാന്സോ ജീന്സോ നല്ലതെന്ന്‌.

മുണ്ടുമടക്കിക്കുത്തുമ്പോൾ മുട്ടിനു മുകളിലേക്ക്‌ അറിയാതെയെങ്കിലും നോക്കിപോകുന്നതിനെ കുറിച്ച്‌. അമ്മ, പെങ്ങൾ , മകൾ , ഭാര്യ ആരുടെ മുന്നിലും നിങ്ങള് ഷര്ട്ടിടാതെ ഉലാത്തും.

മുമ്പൊരിക്കൽ കൂട്ടുകാരി പറഞ്ഞു അടുത്ത വീട്ടിലെ ചേട്ടന് ഷര്ട്ടിടാതെ കുട്ടിയെ കൈമാറുമ്പോൾ അവൾക്കൊരു മിന്നലുണ്ടായത്രേ!

ജൈവപരമായി നമുക്കിടയിൽ ഒരുപാടു വ്യത്യാസങ്ങളുണ്ട്‌. പക്ഷേ, നിങ്ങൾ കുന്നിന് മുകളിലും ഞങ്ങൾ മലകയറാന് വയ്യാതെ താഴ്വാരത്താണ്‌ നില്‌ക്കുന്നതെന്നുമുള്ള തോന്നലുണ്ടെങ്കിൽ അത്‌ കുട്ടിത്തം നിറഞ്ഞതും യുക്തിരഹിതവുമാണ്‌.
ഞങ്ങളുടെ ചിന്തകളിൽ നിങ്ങളുണ്ട്‌. ഞങ്ങളുടെ നോട്ടങ്ങൾ നിങ്ങളെ പിന്തുടരുന്നുമുണ്ട്‌. നോട്ടങ്ങളെ അംഗീകരിക്കാന് വയ്യെങ്കില് ഒരു രക്ഷാകവചം നിങ്ങളുമണിയണം.

എന്തൊക്കെയായാലും ചെറുപ്പത്തിലെ കിളവികൾ എന്ന വിളി കേൾ ക്കേണ്ടിവരും.
ഈ വിളി കേൾ ക്കുമ്പോൾ ഞാനെന്റെ നഷ്‌ടപ്പെട്ട പത്തുപതിനാറു വര്ഷങ്ങളെയോര്ത്തു പരിതപിക്കുന്നു. തന്നത്താന് മുടിചീകികെട്ടാനും ഉടുപ്പിടാനും തുടങ്ങിയതിൽ പിന്നെ എത്രമാത്രം വികൃതമായാണ്‌ നടന്നത്‌. ഇളം നിറങ്ങൾ ക്കുപുറകേ പോയി ഞാനെന്റെ കൗമാരവും യൗവ്വനവും കളഞ്ഞോ?..വിവാഹത്തിനുപോലും ബ്യൂട്ടിപാര്ലറിൽ പോകാത്ത ഞാന് ചിക്കന്പോക്‌സിന്റെ കലകളെ പോലും വേഗം മാച്ചുകളയാന് മിനക്കെടാഞ്ഞത്‌ എന്തിനായിരുന്നു?

കിഴവി എന്ന വാക്കുകേൾ ക്കുമ്പോഴാണ്‌ ചില വിചാരങ്ങൾ എന്നെ കൂട്ടത്തോടെ ആക്രമിക്കുന്നത്‌.

അപ്പോൾ ഞാനെന്റെ കൊച്ചുസ്വര്ണ്ണക്കമ്മൽ അഴിച്ചുവെച്ച്‌ ലോലാക്ക്‌ തൂക്കുന്നതിനേക്കുറിച്ചോര്ക്കുന്നു.

- മൈന ഉമൈബാൻ
.......................

ഇതൊരു കവിതയല്ല.എന്നാൽ ഇതിലൊരു കവിതയുണ്ട് താനും
പ്രധാനമായും ഇതിലൊരു പെൺ ചിന്തയുണ്ട്
പെൺ തന്റേടം ഉണ്ട്
ഇതിലൊരു പെണ്ണുണ്ട്
പുരുഷനോട് കലമ്പി നിൽക്കാൻ ധൈര്യപ്പെടുന്ന ഒരു പെണ്ണ്

സൗന്ദര്യം പുരുഷന്റെയോ സ്ത്രീയുടെയോ കണ്ണുകളാൽ അളക്കപ്പെടാൻ ഉള്ള ഒന്നാണ് എന്ന് കവി വിശ്വസിക്കുന്നു .സത്യത്തിൽ ഏതു സുന്ദരിയും ,സുന്ദരനും അഞ്ചു കീമോ കഴിഞ്ഞാൽ ..ഈത്തരം അളവുകോലുകൾക്കുള്ളിൽ വെറും പാഴ് പിണ്ഡങ്ങൾ ആവുന്നു .എന്നാൽ വേണ്ടപ്പെട്ടവർക്കും സ്നേഹിതർക്കും അങ്ങിനെ ആവുന്നുണ്ടോ.ആ പഴയ ആൾ തന്നെയാണ് അവർക്കിപ്പോഴും ആ രോഗി . അളവുകോലുകളിൽ അഭിരമിക്കാനുള്ള നമ്മുടെ ഈ വാസന മിക്കപ്പോഴും മാനസിക സംഘർഷങ്ങളിൽ എത്തിക്കുന്നത് കാണാറുണ്ട് .നാൽപ്പതു കഴിഞ്ഞപ്പോഴേക്കും താൻ വയസി ആയി എന്ന് കരുതി പൊട്ടി കരഞ്ഞ ഒരു കൂട്ടുകാരിയെനിക്കുണ്ട്
എന്നെ അഞ്ചു വയസു മുതൽ ഇന്ന് വരെ അടുത്ത അറിയാവുന്ന ഒരു ബന്ധു ..ഒരിക്കൽ എന്റെ ഫോട്ടോയിൽ ഇട്ട ഒരു കമന്റ്, എന്നെ വല്ലാതെ നോവിച്ചു.ആശുപത്രിയിൽ, ഐ സിയിൽ കിടക്കുമ്പോൾ ഞാൻ ഒരു സെൽഫി എടുത്തു ഫേസ് ബുക്കിൽ ഇട്ടു .അമ്പലങ്ങളും ..ടൂറിസ്റ്റ് കേന്ദ്രങ്ങളും സന്ദർശിക്കുമ്പോൾ ഇടുന്നതു പോലെയേ ആ ഫോട്ടോക്കും ഞാൻ പ്രാധാന്യം കൊടുത്തുള്ളൂ .സമൂഹത്തിന്റെ അളവുകോലിലെ ,എന്റെ ഏറ്റവും മോശം ഒരു ചിത്രം .ഒരു ചങ്ങാതി വന്നതിൽ എഴുതി.ഇങ്ങിനെ കാണാൻ വയ്യ..എടുത്തു കളയൂ എന്ന് .
എന്നാൽ എന്റെ ബന്ധു എഴുതിയത് ഇങ്ങിനെയാണ്‌
ഇതാണ് യഥാർത്ഥ കോലം അല്ലെ
എന്ന് .മാങ്ങാക്കറ പുരണ്ട പെറ്റിക്കോട്ടിട്ട ,മുന്നിലെ പല്ലെല്ലാം പോയി നടക്കുന്ന ..മെലിഞ്ഞുണങ്ങി ഈർക്കിൽ പരുവമായ ,എടുത്താൽ പൊങ്ങാത്ത വയറുമായി ഏന്തി നടക്കുന്ന , എന്നെ കണ്ടിട്ടുള്ള അവനു ആശുപത്രിയിൽ കിടക്കുന്ന എന്റെ രൂപം കോലമായി ത്തോന്നി .
എന്നെ, എന്റെ വീട്ടുകാരും ,കൂട്ടുകാരും, ഫേസ് ബുക്കിലുള്ളവരും എങ്ങിനെ കണ്ടാലും, ആക്ഷേപം ഒന്നും തോന്നിയിട്ടില്ല.അത് കൊണ്ടാണല്ലോ ,അത്ര കാണാൻ കൊള്ളാഞ്ഞിട്ടും, ആ ഫോട്ടോ ഇട്ടതും .
ചില പുരുഷന്മാർ എന്തും വൃത്തികേടായെ കാണൂ എന്നതാണ് ആ കമന്റ് എന്നെ പഠിപ്പിച്ച പാഠം .
നല്ലതും തീയതും അവർക്ക് വൃത്തികേടാണ് .അവനെ ഞാൻ ബ്ളോക് ചെയ്തു. എങ്കിലും ഇതിലെ ബാങ്കുദ്യോഗസ്ഥ പറയുന്നത് പോലെ എന്റെ കലിപ്പ് തീർന്നിട്ടില്ല ഇന്ന് വരെ
പെണ്ണുങ്ങൾ ഏറ്റവും വെറുക്കുന്നത് പുരുഷന്മാരുടെ മീശയെയോ താടിയെയോ കാലിനേയോ കയ്യിനെയോ ഒന്നുമല്ല
അവന്റെ ഉന്തി നിൽക്കുന്ന കുടവയറിനെയാണ്
ഇപ്പോൾ പ്രസവിക്കും എന്ന മട്ടിലാണല്ലോ..എന്ന് ,നല്ല കടുപ്പം വയറു കാണുമ്പോൾ ചിന്തിക്കാത്ത പെണ്ണുങ്ങൾ ഉണ്ടാവില്ല
ഭംഗിയുള്ള ആണുങ്ങളെ കാണുമ്പോൾ..സുന്ദരനാണ് എന്നും മനസ്സിൽ തോന്നാറുണ്ട് ..ആണുങ്ങളും അങ്ങിനെ ഒക്കെ തന്നെ

അഭിനന്ദനങ്ങൾ മൈന