കുഞ്ഞമ്മാന്‍..നാടകം

കുഞ്ഞമ്മാവന്‍ നാടകം അഭിനയിച്ചത് വലിയ ചരിത്രമാണ് ..
ചുരുണ്ട്നിബിഡമായ മുടി വളര്‍ത്തി തോളറ്റം അഴിചിട്ടിരിക്കും
  മെലിഞ്ഞു നീണ്ട  ദേഹം ..ആള് മെക്കാനിക്കാണ് .ജോലി ചെയ്യുമ്പോൾ മുടി കെട്ടി ഒതുക്കി വൈക്കും .അമ്മാവനാണ് നാടകത്തിലെ സ്ത്രീ വേഷം.വലിയ കണ്ണുകൾ ,അതിൽ  നീണ്ട പീലികൾ ..ഒരു ചെറു പുഞ്ചിരി എപ്പോഴും മുഖത്തുണ്ടാവും.
അമ്മാവൻ ഒറ്റയാനാണ് .ഭാര്യയും മക്കളും ഒന്നുമില്ല.നാട്ടിൽ  ഒരു ചെറു സംബന്ധം ഉണ്ട്
പല ഗ്രാമ സമിതികളും അമ്മാവനെ വിളിക്കും..
ഇത്തിരി വെള്ളം എല്ലാ കിട്ടുന്ന ഏര്‍പ്പാടയതിനാല്‍ പുള്ളി പോവുകയും ചെയ്യും
പക്ഷെ സംഭാഷണം കാണാതെ പഠിക്കാനൊന്നും മടിയനായ അമ്മാവന് സമയമില്ല
നാട്ടു കാര്യം  അന്വേഷിച്ചും ചെണ്ടപ്പു റത്തു കോല്  വച്ചാല്‍ അതിന്റെ മുമ്പിൽ  പോയി നില്‍ക്കാനും ഒക്കെയാണ്  അമ്മാവന് ഇഷ്ട്ടം ..
കുഞ്ഞെട്ടനും വലിയെട്ടനും,മറ്റു കൂട്ടുകാരും കൂടി ഒരു നാടകം ലൈബ്രറി വാര്‍ഷികത്തിന് കളിക്കാൻ നിശ്ചയിച്ചു ..
അമ്മാവന്‍ ആണ് സ്ത്രീ വേഷം
അന്നും ഇന്നും നാടകം..നാടകീയതയുടെ കല ആണ്..
വികാര നിർഭരമായ രംഗങ്ങൾ ..പൊട്ടിക്കരയുന്ന നായിക..ഗദ്ഗദം പൂണ്ട സംഭാഷണങ്ങൾ
ചേരുവ എല്ലാം ഇന്നത്തേത് തന്നെ..
ഒന്നാം തരം ഒരു പ്രണയം..
കടിച്ചാൽ  പൊട്ടാത്ത ഇനം ഒരു വില്ലൻ ..
മിണ്ടിയാൽ പാടുന്ന നായകൻ  ..
നായിക ..
അങ്ങിനെ അങ്ങിനെ എല്ലാം ചേർന്ന ഒരു കലക്കൻ നാടകം
റിഹെഷ്സൽ  എല്ലാം പൊടി പൊടിച്ചു ..
എല്ലാം വീട്ടി ലെ പറമ്പിലും പാടത്തും ഒക്കെയാണ് ..

ഇവരുടെ കൂട്ടത്തിലെ ഒരു കുള്ളൻ  ഉണ്ട് ..
പുരുഷു..
പുള്ളിയാണ് പ്രൊമ്പ്റ്റെർ 
എന്ന് വച്ചാൽ  സംഭാഷണം പുറകിൽ  നിന്നും വിളിച്ചു പറഞ്ഞു കൊടുക്കും..
നടീ നടന്മാർ  അതേറ്റു പറയും ..
ഒരു തുടക്കം കിട്ടിയാൽ  പിന്നെ ബാക്കി  പറയുക എളുപ്പമാണ് ..
നാടകം തുടങ്ങി
നാട്ടിലെ നാടകമല്ലേ..
മോശമായാൽ  പേരു പോകും
എല്ലാവരും നന്നായി അഭിനയിച്ചു മുന്നേറുകയാണ്...
അടുത്ത രംഗം വന്നു..
നായിക നിലാവത്ത് കാമുകനെ കാത്തു ഒറ്റയ്ക്ക് ഇരിക്കുകയാണ്..
നായകൻ  ഇതുവരെയും എത്തിയില്ല..
അടുത്ത വരി ഇങ്ങനെ ആണ്
സ്വഗതം (ആത്മഗതം )
നായിക തന്നോടു തന്നെ പറയേണ്ട സംഭാഷണം ആണ്
പുരുഷു ചേട്ടൻ  ബുക്ക് നോക്കി
സ്വഗതം..
എന്താണ് നാഥ അങ്ങ് വൈകുന്നത്
എന്ന് പറഞ്ഞു കൊടുത്തു
അമ്മാവന്‍ വികാര നിർഭരമായ സ്വരത്തിൽ  ആകാശത്തെ അമ്പിളി നോക്കി
പറഞ്ഞു
സ്വഗതം..
എന്താണ് നാഥ അങ്ങ് വൈകുന്നത്
സ്വഗതം..
എന്ന് കേൾക്കയും ..ആളുകൾ ഒരു നിമിഷം നിശബ്ദരായി ..
പിന്നെ നിലക്കാത്ത കൂവൽ...
പെട്ടന്ന് കർട്ടൻ  ഇട്ടു ..
ശേഷം വെള്ളിത്തിരയിൽ

..അമ്മാവന്മാർ

അമ്മാവന്മാർ

ഏതാണ്ട് 50-60 കൊല്ലങ്ങൾ മുൻപ് കഥകൾ ആണ്
.ഇതിലെ നായകന്മാർ ആയ .അമ്മാവന്മാർ രണ്ടു പേരും മരിച്ചു പോയി
അമ്മക്ക് രണ്ടു ആങ്ങളമാരാണ് ..

വല്ലിമ്മവാൻ കല്യാണം കഴിച്ചു ഞങ്ങളുടെ വീടിന്റെ അടുത്തു തന്നെയാണ് താമസം
കുഞ്ഞമ്മാവാൻ വിവാഹം കഴിച്ചിട്ടില്ല
മൂത്ത ചേച്ചിയായ അമ്മയുടെ കൂടെയാണ് കക്ഷി താമസം..
അമ്മയ്ക്കും സ്വന്തം അനിയന്മാരെ വലിയ കാര്യമാണ്
മൂത്ത അമ്മാവന്‍ അതി സുന്ദരന്‍ ആണ്
വല്ലിമ്മാവന്‍ എന്നാണ് ഞങ്ങളും നാട്ടുകാരും വിളിക്കുന്നത്‌
വെളുത്തു അധികം പൊ ക്കമില്ലാതെ,ചുരുണ്ട മുടിയും ,വിടർന്ന കണ്ണുകളും ഒക്കെ ആയി ഒരു സുഭഗൻ ,സരസൻ
രാവിലെ പല്ല് തേച്ചു കൊണ്ട് അമ്മാവൻ ഞങ്ങളുടെ വീട്ടിലേക്കു പോരും
ആളും അർഥവും ചിരിയും കളിയും തമാശയും ഇവിടെ ഞങ്ങളുടെ വീട്ടില് ആണ് .ഇനി അമ്മാവൻ തിരികെ പോകുന്നത് മിക്കവാറും വൈകീട്ടാവും .
അമ്മാവന് സ്വയം അറിയാം താൻ ഒരു സുന്ദരന്‍ ആണെന്ന്
എന്നാല്‍ ബുദ്ധി അത്ര പോര
എന്ന് വച്ചാല്‍
ബാക്കി അതി ബുദ്ധിമാന്മാരുടെ കൂട്ടത്തില്‍
അമ്മാവന്‍ ഒരു ട്യൂബ് ലൈറ്റ് ആണ് എന്ന് സാരം
അതിന്റെ കുശുമ്പ് മുഴുവന്‍ ഉണ്ട് പുള്ളിക്ക്
ഇടക്കിടക്ക് സ്വന്തം ബുദ്ധിവൈഭവം ,പുള്ളി എല്ലാവരെയും ബോധ്യപ്പെടുത്താന്‍ ശ്രേമിക്കും

കുഞ്ഞമ്മാവന്‍
നേരെ മറിച്ചാണ്..
ഇരു നിറം
മെലിഞ്ഞു നീണ്ടു വലിയ കണ്ണുകളും
ചുരുണ്ട മുടി തോളറ്റം വെട്ടി
ആള്‍ ഒരു നാടക നടന്‍ ആണ്
അതില്‍ സ്ത്രീ വേഷം ആണ് പതിവു
അതാണ്‌ മുടി വളർത്തുന്നത്
ഒരു സകല കലാ വല്ലഭന്‍
എന്തും അഴിച്ചു നന്നാക്കും
ആരെയും സഹായിക്കും..
അമ്മയുടെ മറ്റു മക്കളുമായി എല്ലാ തോന്ന്യാസങ്ങൾക്കും കൂട്ട് നില്ക്കും
ചെത്തുകാരന്‍ രാമന്‍ വീട്ടിലെ അഞ്ചു തെങ്ങ് ചെത്തുന്നുണ്ട്
ഇവര്‍ സ്ഥിരം കള്ള് മോഷ്ട്ടിക്കും
അതും വളരെ ശാസ്ത്രീയം ആയിത്തന്നെ
ഒരാള്‍ തെങ്ങില്‍ കയറും..
കൂടെ ഒരു കലം കൊണ്ടു പോവും ..
മങ്കലത്തിന്റെ ക്കഴുത്തിൽ കയറു കെട്ടിയാണ്കയറ്റുന്നത്
കുറച്ചു കള്ള് അതിൽ പകര്‍ത്തി താഴേക്ക് എത്തിക്കും
അത് താഴെ വേറെ ഒരു കലത്തിലേക്ക് പകര്‍ത്തും
കൃത്യം അത്രയും വെള്ളം ഒഴിച്ച് കലം മുകളില്‍ എത്തിക്കും..
അങ്ങിനെ അഞ്ചു തെങ്ങാവുമ്പോള്‍ ഇവര്ക്ക് ഒന്നു മിനുങ്ങാൻ ഉള്ള കള്ള്
കിട്ടും
വീട്ടില്‍ ഇവര്‍ ചിലപ്പോൾ വാറ്റും..
അന്നൊന്നും എക്സൈസ് നിയമങ്ങൾ അത്ര ശക്തമല്ല .
ഉണ്ടോ എന്ന് തന്നെ സംശയം
കറുപ്പ് റേഷൻ കട വഴി വിതരണം ചെയ്തിരുന്ന സുവർണ്ണ കാലം ആയിരുന്നു അത്
ഒരു വലിയ മങ്കലം
അതില്‍ വേണ്ട സാധങ്ങള്‍ ഇട്ടു തിളപ്പിക്കും..
ശർക്കര ,പൂവന്‍ പഴം,മുന്തിരിങ്ങ
പച്ച കുരുമുളക്, തുടങ്ങിയ നാടൻ സാധനങ്ങൾ
തിളച്ചു വരുമ്പോള്‍ മുകളില്‍
അടിതുളയിട്ട വേറൊരു മങ്കലം വൈക്കും
ഏറ്റവും മുകളില്‍ ഈ നീരാവി ചെന്നു തണുത്തു ആവിയായി പുറത്തു വന്നു ശേഖരിക്കാന്‍ ഒരു കലം കൂടി
ആ കലം എപ്പോഴും വെള്ളം ഒഴിച്ച് തണുപ്പിച്ചു വൈക്കും

അന്ന് ഇതൊന്നും അത്ര പുതുമയുള്ള കാര്യമല്ല
അച്ഛൻ ഒരു വൈദ്യൻ ആയിരുന്നു
അരിഷ്ട്ടം ആസവം കഷായം ലേഹ്യം എണ്ണ ,ഭസ്മം ,തൈലം തുടങ്ങി എല്ലാം വീട്ടിൽ ഉണ്ടാക്കുമായിരുന്നു.
ചാരായ നിർമ്മാണവും അതിന്റെ ഭാഗം തന്നെയാണ്.ചില ഔഷധങ്ങൾ ഇതിലും ചെയ്യുന്നുണ്ട്
പക്ഷെ ആ ഉപകരണങ്ങൾ എല്ലാം ഇവന്മാർ ദുരുപയോഗം ചെയ്യുന്നതല്ലേ

ഇതെല്ലാം കുഞ്ഞമ്മാവന്റെ മേല്‍ നോട്ടത്തില്‍ ആണ്ചെയ്യുന്നത്
രണ്ടു സഹോദരന്മാരാണ് ഞങ്ങൾക്ക്
മൂത്ത ചേട്ടന്‍ എത്ര സ്വാത്തികനാണോ
അത്രയ്ക്ക് കാ‍ന്താരി ആണ് കുഞ്ഞേട്ടന്‍
തീക്ഷ്ണ ബുദ്ധി,,
നല്ല നര്‍മ ബോധം
ആരെയും കളിയാക്കി ഒരു വഴിക്കാക്കും
അമ്മാവന് ആശയങ്ങള്‍ കുഞ്ഞേട്ടന്‍ കൊടുക്കും
കുഞ്ഞമ്മാന്‍ അത് നടപ്പാക്കും അങ്ങിനെ
ഈനാംച്ചക്കിക്ക് മരപ്പട്ടി കൂട്ട് എന്നാണ് ഇവരെ രണ്ടു പേരെയും പറ്റി അച്ഛന്‍ പറയുക പതിവ്
ഇതു പോലെ തല തെറിച്ച കുറച്ചു കൂട്ടുകാരും ഉണ്ടിവര്‍ക്ക്
ഇവരുടെ വിക്രിയകള്‍ കൊണ്ടു വീട്ടുകാര്‍ പൊറുതി മുട്ടി എന്ന് പറഞ്ഞാല്‍ മതിയല്ലോ

part 11

അമ്മാവന്‍ ക്ലോക്ക് നന്നാക്കിയ കഥ പ്രസിദ്ധമാണ്
കുഞ്ഞമ്മാന്‍ നാടിലെ അറിയപ്പെടുന്ന ക്ലോക്ക് നന്നാക്കല്‍ കാരന്‍ ആണ് .
ജന്മ വാസന കൊണ്ടു നേടിയതാണ് കഴിവ്
ഒരു ദിവസം ഒരാള്‍ ഒരു ക്ലോക്ക് നന്നാക്കാന്‍ കൊണ്ടു വന്നു.
ഒരു മധ്യ വയസ്കന്‍
അയാള്‍ ഭാര്യ വീട്ടില്‍ താമസത്തിന് വന്നതാണ്
അയാള്‍ക്ക്‌ അമ്മാവന്മാരെ അത്ര പരിചയം ഇല്ല
അമ്മാവന്‍ എന്തിയെ എന്ന് ആരോടോ ചോദിച്ചു,
അവിടെ മുറ്റത്തിന്റെ മൂലയില്‍ ഇരുന്നു പല്ലു തേക്കുന്ന വല്ലിമ്മനെ കാണിച്ചു കൊടുത്തു
അയ്യാള്‍ ചെന്നു വണങ്ങി
മകന്‍ സിംഗപ്പൂരില്‍ നിന്നും കൊണ്ടു വന്ന ജര്‍മന്‍ ടൈം പീസ്‌ ആണ്
ഇപ്പോള്‍ മിണ്ടുന്നില്ല
ഇടയ്ക്ക് നിന്നു പോകും
അലാം വച്ചാല്‍ അടിക്കില്ല
"പിള്ളേര് താഴെ ഇട്ടോട"?
അമ്മാവന്‍ ആധികാരികമായി ചോദിച്ചു
അയാൾ ഒന്നും മിണ്ടിയില്ല
എന്നിട്ട് പറഞ്ഞു
"അവിടെ വച്ചേക്കൂ "
കോലിറയത്ത് ക്ലോക്ക് വച്ചു അയാള്‍ ഒതുങ്ങി നിന്നു
അമ്മാവന്‍ വന്നു
ഒരു പുച്ച ഭാവത്തില്‍ ക്ലോക്കിനെ ഒന്നു നോക്കി
നിന്നെ പോലെ എത്ര ജര്‍മന്‍ ക്ലോക്കുകള്‍ ഞാന്‍ കണ്ടിരിക്കുന്നു എന്നൊരു ഭാവം സുന്ദര മുഖത്തു മറഞ്ഞു
കുഞ്ഞമ്മാന്റെ ടൂള്‍ ബോക്സ്‌ എടുത്തു
ക്ലോക്ക് അഴിച്ചു
വിശദമായി പരിശോധിച്ച്
ഓരോ ഭാഗങ്ങള്‍ അഴിച്ചു..
ചെവിയില്‍ വച്ചു നോക്കി..
ചില ഭാഗങ്ങള്‍ മണ്ണെണ്ണയില്‍ കഴുകി
ഒരു മണിക്കൂര്‍ പണിതു.
എല്ലാം തിരിയെ പിടിപ്പിച്ചു
ബാക്കി ഒരു വളോം പാര്‍ട്സ്‌
വാളോം എന്നാല്‍ കൈ നിറയെ
എന്നാണ് അര്ത്ഥം
അത് അയാളുടെ കയ്യില്‍ വച്ചു കൊടുത്തു
ഇതു നന്നാവില്ലെടോ
മേശപ്പുറത്തു വൈക്കാന്‍ കൊള്ളാം
അയാള് ഞെട്ടി പ്പോയി
അമ്മാവന്റെ പ്രശസ്തി ഗംഭീരമാണ്
അമ്മാവൻ നന്നാക്കിയാൽ ശരിയാവാത്ത ഒരു ഉപകരണവും ആക്കാലത്ത്‌ ഇല്ല . അകലെ നിന്ന് പോലും ആളുകൾ കേട്ടറിഞ്ഞു വരും .അത്ര പ്രശസ്തനാണ് .ആ അമ്മാവൻ നടക്കില്ല എന്ന് പറഞ്ഞാൽ കാര്യം പോക്ക് തന്നെ
രണ്ടു അമ്മാവന്മാരും തമ്മിലുള്ള വ്യത്യാസവും അത് തന്നെയാണ്
കുഞ്ഞമ്മവാൻ ആണെങ്കിൽ ഒരു ചലന്ജ് ..ആണിത് .. എത്രറ്റം കഷ്ട്ടപ്പെട്ടും കാര്യങ്ങൾ നന്നക്കിയെടുക്കുന്നതിൽ കുഞ്ഞമ്മാവന് വലിയ ത്രിൽ ആണ്
ബുദ്ധികൊണ്ടുള്ള ഒരു കളി ..അതിൽ വിജയിക്കാൻ ഉള്ള അശ്രാന്ത പരിശ്രമം
വല്ലിമ്മവാൻ ബുദ്ധി ഒക്കെ ഉള്ള ആൾ തന്നെ
എന്നാൽ സാഹസികമായ മുന്നേറ്റങ്ങൾ ഇല്ല. പെട്ടന്ന് മടുത്തു പിന്നോട്ട് പോരും

അപ്പോഴാണ്‌ വലിയേട്ടന്‍ പാടത്തു നിന്നു വരുന്നത്
"എന്താ രാഘവ"?
ഒരു കുശലം
അയാള്‍ ദയനീയമായി മാഷേ ഒന്നു നോക്കി
"അമ്മാവന്‍ പറഞ്ഞു ഇതു നന്നാവില്ല എന്ന് "
"അതിന് നീ അത് കിണ്ണു വമ്മാവനെയല്ലേ കാണി ക്കേണ്ടത്

വല്ലിമ്മാവനുണ്ടോ മെക്കാനിസം അറിയൂ
അവന്‍ വരട്ടെ നന്നാക്കിച്ചു വച്ചേക്കാം "

അയാള്‍ അമ്മാവനെ നോക്കിയ നോട്ടം
അമ്മാവന്‍ അത് കണ്ട മട്ടു നടിച്ചില്ല
അകത്തേക്ക് കയറി ഒരു പോക്കാണ്
അത് തല്ലു പേടിച്ചിട്ടാണ് എന്ന് മറ്റുള്ളവര്‍ പിന്നെ പറഞ്ഞു
വീട്ടില്‍ സൂചി വീണാല്‍ കേള്‍ക്കുന്ന നിശ്ശബ്ദത ആണ്
ആരെങ്കിലും മിണ്ടിയാല്‍ കൂട്ട ചിരി ആവും

കുളം

കുളം

അത് എന്റെ 

സന്തോഷമാണ്..

പ്രണയമാണ്..

 കളിയാണ്..

ചിരിയാണ് ..

ഒരു വലിയ വലിയ പറമ്പ് .

അതിന്റെ ഒരു മൂലയിൽ   ഒരു പാമ്പും കാവ്..

അതിന്റെ കുളം 

പാമ്പും കാവ് അമ്മ പണ്ടേ തന്നെ പൂജിച്ചു മാറ്റിയിരുന്നു..

ഇംഗ്ലീഷ് അക്ഷരം L ആകൃതി യിൽ  ഒരു ചെറിയ കുളം ..

അതിനോട് ചേർന്നു  ഒരു ചെമ്പകം ഉണ്ട്..

എന്റെ 

 സ്വന്തം ചെമ്പകം..

വൈദ്യർ  വേര് വച്ചു ..പതിപ്പിച്ചു തന്ന തൈ ‌ ആണ്.

ഒത്തിരി നടന്നു പോയി എടുത്തു കൊണ്ട് വന്നു നട്ടുപിടിപ്പിച്ചതാണ്..

അതിലെ പൂക്കൾ  എല്ലാം അത് കൊണ്ട് എന്റെതാണ് ..

എന്റെ പല താവളങ്ങളിൽ   ഒന്നാണ് ചെമ്പക  തണൽ  

കുളം എനിക്ക് എന്നെ തന്നെ ഒളിപ്പിക്കാൻ ഒരു സ്ഥലം കൂടി ആണ്..

ഗൌരവക്കാരും ചിട്ടക്കാരും ആയ വീട്ടുകാർ .

ഏറ്റവും ഇളയ പുത്രി ആയി ജനിച്ച  കഷ്ട്ടപ്പാട് പറഞ്ഞാല നിങ്ങള്ക്ക് മനസിലാകാൻ ഇടയില്ല .

നേരെ മൂത്ത ചേട്ടനും ഞാനും തമ്മില്‍ 7  വയസിനു മൂപ്പ്..

ചേട്ടന്റെ മട്ടു കണ്ടാല്‍ ചേട്ടൻ  ആണ്കാരണവർ  എന്ന്തോന്നും..

പിന്നെ നേരെ മൂത്ത ചേച്ചി 

നേരെത്തെ പറഞ്ഞില്ലേ

കുശുമ്പിന്റെ പര്യായം..

സുന്ദരിക്കുട്ടി തന്നെ 

നീണ്ട മുടി ഭംഗിയായി പിന്നിയിട്ടു

എല്ലാവരുടെയും നല്ല പിള്ളയായി

എല്ലാവരെയും കുറിച്ച് കുറ്റം പറഞ്ഞു..

എല്ലാവരെയും പൊക്കി പറഞ്ഞു..

22 അംഗങ്ങള്‍ ഉള്ള ഒരുകൂട്ട് കുടുംബത്തിലെ

ഏഷണി കുട്ടി ആയി വിലസുന്ന മിടുക്കി ചേച്ചി 

എന്നും എന്നെ കരയിക്കാൻ  ചേച്ചി എന്തെങ്കിലും കാര്യംഉണ്ടാക്കും.

എന്തെങ്കിലും കുഞ്ഞി കാര്യങ്ങൾ ..

അത് വലുതാക്കി ചേട്ടന്മാരുടെ മുന്നിൽ  പറഞ്ഞു എന്നെവഴക്ക് കേൾപ്പിച്ചാൽ  

പുള്ളിക്കാരിക്ക് വലിയ സന്തോഷമായി ..

എത്ര ചെറിയ കാരണങ്ങൾ ആണെന്നോ എന്നെ വഴക്ക് കേൾപ്പിക്കാൻ ചേച്ചി കണ്ടു പിടിക്കുക  

പ്രധാനമായും ഞാനൊരു പെറ്റിക്കോട്ട്  കൊച്ചു ആണ്   

പെറ്റി കോട്ടിനു   മുകളിൽ  വേറെ എന്തെങ്കിലും ഇടണം എന്ന് എന്നെ കൊണ്ട് തോന്നിപ്പിക്കുക വലിയ വലിയ ബുദ്ധിമുട്ടാണ് .പെട്ടിക്കോട്ടു തന്നെ  എനിക്ക് വലിയ വിഷമം ആണ് 

അതിനു മുകളിൽ   പാവാട അതിനു മുകളിൽ  ബ്ലൌസ് 

അല്ലെങ്കിൽ  ഉടുപ്പ് 

അതിടാൻ  പറയുമ്പോൾ  ഞാന്‍ മുതിർ ന്നവരെ നോക്കുന്ന ഒരു നോട്ടം ഉണ്ട് 
കണ്ണ് തെറ്റിയാൽ എല്ലാം അഴിച്ചു കളഞ്ഞു ഒരു നിക്കറിൽ അവിടെയും ഇവിടെയും നടക്കും .വലിയ ലോ ആൻഡ്‌ ഓർഡർ പ്രശ്നമാണ് അത് ..മെതി നടക്കുന്ന കളത്തിലേക്ക്‌ ഒരു നാല് വയസുകാരി നിക്കാര് മാത്രം ഇട്ടു കയറി ചെന്നാൽ ..അയ്യോകുടുംപത്തിന്റെ മാനം അപ്പോൾ പോകും .ആരെങ്കിലും ഓടി വന്നു എന്നെ വാ തോരാതെ ചീത്ത പറഞ്ഞു അഴിച്ചിട്ട കുപ്പായം തപ്പി ത്തരും..മിക്കവാറും അത് നനഞ്ഞു കാണും അതാവും ഊരി  ക്കളഞ്ഞത്
എന്നാൽ വെള്ളം കുടിച്ചപ്പോൾ നനജത് കൊണ്ടാണ് ഊരി ഇട്ടത് എന്ന് പറഞ്ഞു ഫലിപ്പിക്കാൻ എനിക്കൊട്ടറിയുകയും ഇല്ല    

മർലിൻ മണ്ട്രോ     എന്നാ പേര് എനിക്ക് കിട്ടിയത് ആ സ്വഭാവത്തിൽ നിന്നാണ് 

പിന്നെ വളരെ വലുതായതിനു ശേഷമാണു ആരാണ് ആ സുന്ദരി എന്ന് മനസിലായത് 

എന്നും പെറ്റിക്കോട്ട് വിചാരണ നടക്കും 

അതിടാതെ മിറ്റത്തിറങ്ങി..

പിന്നെയും പിന്നെയും പല കുറ്റങ്ങൾ  

ഇരുട്ടായിട്ടും മലയിൽ  നിന്നും വന്നില്ല

പാടത്ത് പോയി വീണു മുട്ട് പൊട്ടി

പിന്നെ ഉള്ള വലിയ ഒരു ആരോപണവും എന്നെ വലിയ ബുദ്ധിമുട്ടിൽ  ആക്കുന്നതും മരം കയറ്റമാണ് 

എനിക്ക് നിലത്തു ഇരുന്നാൽ ല്‍ വായന വരില്ല 

മലയിലെ കശുമാവിലോ ചെമ്പകത്തിലോ  ഒക്കെ  കയറി ഉയരത്തെ ഒരു കൊമ്പിൽ  ചാരി ഇരുന്നു 

വായിച്ചാലും പഠിച്ചാലുമേ സുഖമുള്ളൂ 

എന്നും വഴക്ക് കേൾക്കാൻ  ഉള്ളത് എന്തെങ്കിലും ഞാൻ  ഉണ്ടാക്കിയിരിക്കും 

വഴക്ക് കിട്ടുകയും ചെയ്യും 

സങ്കടവും ആവും 

ദുരഭിമാനം ആണ് എനിക്ക് ..

കരയുന്നത് മറ്റുള്ളവർ  കാണരുത് എന്ന് വലിയ  നിർബന്ധം  ഉണ്ട് 

സങ്കടം വന്നാൽ  ഇങ്ങു പോരും..

ഈ കുളക്കടവിൽ  

അവിടെ ഞാനും എന്റെ കുഞ്ഞി സങ്കടങ്ങളും മാത്രം 

കുളക്കടവിൽ  ഒരു നല്ല മിനുസമുള്ള ഒരു പാറക്കല്ലുണ്ട്   

തുണി അലക്കാൻ  

ഒരു നീർക്കൊലി ഉണ്ട് ..

ഒരു ബ്രാൽ  മത്സ്യവും..

എന്‍റെ കാലടി ശബ്ദം അറിയാം രണ്ടു പേര്‍ക്കും..

അവർ  അടുത്ത് വരും..

മീന്‍ കാലിൻ  ഇക്കിളി കൂട്ടി അങ്ങിനെ നീന്തി നടക്കും..

കൊലാപ്പി..നീർക്കൊലി പക്ഷെ  അടുത്ത് വരില്ല..

ഒരിക്കൽ  അവന്‍ എന്‍റെ കാലിൽ  ചുറ്റിയപ്പോൾ  

ഞാൻ  വല്ലാതെ പേടിച്ചു ഉറക്കെക്കരഞ്ഞു..

അവനും എനിക്കും പിന്നെ അങ്ങോട്ടും ഇങ്ങോട്ടും തൊടാൻ പേടിയാണ് ..

ചെറിയ പരൽ  മീനുകൾ   വന്നു കാലിനു  ചുറ്റും കറങ്ങി ചാടി പുളഞ്ഞുനടക്കും..
കാലിൽ ഇപ്പോഴും രണ്ടോ മൂന്നോ ലൈവ് ചൊറി ഉണ്ടാവും 
എന്ന് വച്ചാൽ ഉണങ്ങാത്തത് 
കൃത്യം അതിൽ തന്നെ  വന്നു കൊത്തും 
അതിന്റെ വന്നു തുടങ്ങിയ പൊറ്റ അവറ്റകൾ കൊത്തി ത്തിന്നും 
മനസിന്റെ വേദനയിൽ ഇതൊന്നും അറിയുകയില്ല.ചിലപ്പോള കാലൊന്നു അ നക്കും.അപ്പോൾ മീനൊക്കെ അങ്ങ് മാറും ..പിന്നെയും വരും 

നീല വെള്ളത്തിൽ  ഒരു ഭാഗം നിറയെ പായൽ  ആണ്..

കുറെ നേരം ഈ തണുത്ത അന്തരീക്ഷത്തിൽ ഇരുന്നാൽ 

മനസ് ഒന്ന് അടങ്ങും 

വരുന്ന ഓരോ കണ്ണ് നീർത്തു ള്ളിയും വെള്ളത്തിൽ  മുഖംകഴുകി കഴുകി അങ്ങനെ കളഞ്ഞു കൊണ്ടിരിക്കാം 

കരയുന്നത് ആര്‍ക്കും അറിയാനോ കാണാനോ പറ്റില്ലല്ലോ ..

കുളം ഇംഗ്ലീഷില്‍ പറഞ്ഞാല്‍ ഒരു retreat ആണ് ...

മുഖം ഒളിക്കാൻ  ഒരിടം ...

ഭൂമിയിൽ എനിക്ക്  ഏറ്റവും സമധാനം തന്ന ഇടവും കൂടിയാണ് കുളം 

കുളം കളിക്കാനുമുള്ള സ്ഥലം തന്നെയാണ് ..

വെള്ളത്തിൽ  എന്തെല്ലാം ലീലകൾ ..

ഈ കുഞ്ഞി കുളം എന്റെ അഭ്യാസങ്ങൾക്ക്  പറ്റിയ സ്ഥലമേ അല്ല ..

ഏഴാം ക്ലാസ്സ്‌ വരെ മാപ്പിളമാരുടെ കുളത്തിൽ കുളിക്കാൻ  പോകാൻ ന്‍ അനുവാദം ഉണ്ടായിരുന്നു.

പിന്നെ അമ്മ അത് സമ്മതിക്കില്ല എന്നായി.. .

അവരുടേത് ഒരു വലിയ  കുളമാണ് .ഒരു അഞ്ചു സെന്ററിൽ ഒരു കുളം ..

അവിടെ തേക്കും കുഴിയിൽ  ആഴം കൂടുതൽ  ആണ് ..നല്ല വേനൽക്കും അവിടെ നിലമുണ്ടാകില്ല 

കന്നിനെ കയം കാണിക്കുക എന്നൊരു പ്രയോഗംകേട്ടിട്ടുണ്ടോ ..

ഈ ആഴമുള്ള ഭാഗത്ത് പോത്തുകൾ  നീന്തി എത്തും..

എന്നിട്ട് മൂക്ക് മാത്രം മുകളിൽ  ആക്കി ഒറ്റ കിടപ്പാണ്,,

നമുക്ക് അടിച്ചു കയറ്റാൻ  പറ്റില്ല ..

നിലയില്ലല്ലോ ..കാലുറപ്പിച്ചു നിൽക്കാൻ 

തല്ലാനും പറ്റില്ല..

ചിലപ്പോൾ  ജോണിന്റെ പോത്തുകളും ഉണ്ടാവും..

അവരുടെ മേൽ വീഴാതെ തേക്കും കുഴിയുടെ മുകളിൽ നിന്നും ഒന്ന് രണ്ടു മൂക്ക് കുത്തി ചാട്ടം എല്ലാം നടത്തി

തല കുത്തി മറിഞ്ഞു ..കമന്നു നീന്തി മലന്നു നീന്തി 

രണ്ടു പ്രാവശ്യം എങ്കിലും അങ്ങോട്ടും ഇങ്ങോട്ടും മത്സരിച്ചുനീന്തി..

തളർന്നു  തല കുത്തി ആണ് കരക്ക്‌ കയറുക ..

ഈ കുഞ്ഞി കുളത്തില്‍ അത്രയൊന്നും നടക്കില്ല.

ഒറ്റ ഓട്ടത്തിന് കുളത്തിൽ  എത്തി..

എല്ലാവരും നേരത്തെ എത്തി എന്നെ കാത്തിരിക്കുവാണ് ..

വൈകുന്നേരത്തെ ചടങ്ങുകൾ ക്കൊന്നും നേരമില്ല..

ഇന്നാണെങ്കിൽ 

അമ്മക്ക് ദേഷ്യം കയറി ഇരിക്കുകയാണ് താനും 

സാധാരണ മുടക്ക ദിവസങ്ങളിൽ  കുളി എന്ന് പറഞ്ഞാല്‍ മൂന്നു മണിക്കൂർ  ഒക്കെയാണ് 

വെള്ളത്തില്‍ ഇറങ്ങിയാൽ  പിന്നെ കയറില്ല 

മേലൊക്കെ ഉന്തു വന്നു നിറയും.

ഉന്തുശരീരത്തിലെ നേർത്ത  രോമങ്ങളിൽ  

 വന്നു അടിഞ്ഞു രോമം എഴുന്നു നില്‍ക്കും 

എന്റെ തോർത്ത് ഒരു വിചിത്ര വസ്തുവാണ്  ..

അത് അലക്കുന്നതെല്ലാം കണക്കാണ് 

വെള്ളത്തില്‍ ഇട്ടു ഒരു വലി..

കല്ലിലിട്ടു 
പടെ പടെ 
രണ്ടു അലക്ക് 

കഴിഞ്ഞു പരിപാടി ..

തോർത്തിന് വേണമെങ്കിൽ  വെളുത്തോളണം 

പാവം തോർത്തു   ഉണങ്ങി കഴിഞ്ഞാൽ  കാണാൻ  നല്ല രസമാണ് 

പപ്പടം കാച്ചുമ്പോള്‍ ചില പപ്പടം പൊള്ളില്ലല്ലോ   

അത് പോലെ വടി പോലെ ഇരിക്കും

ചെളി വെള്ളത്തിൽ  കുളിച്ചു കുളിച്ചു 

തൊലിയൊക്കെ ചുളിയും 

അവസാനം അമ്മ വന്നു കയറ്റി വിടുന്നത് വരെ ആണ് കുളിയുടെ കണക്കു 

അമ്മ ആദ്യം ചെറിയ പിള്ളേരെ വിട്ടു കയറി ചെല്ലാൻ  പറയും..

ഇപ്പോ വരാം എന്ന് പറയും 

പിന്നെ ചേച്ചിമാർ  ആരെങ്കിലും വരും 

അപ്പോഴും ചെല്ലാം എന്ന് പറയും 

അവസാനമാണ് അമ്മയുടെ വരവ്.

വഴിയിൽ  ഉണക്കാന്‍ ഇട്ടിരിക്കുന്ന മടൽ  കഷണവുമായി ആണ് വരുന്നത് 

അപ്പോൾ  കയറി ഇല്ലെങ്കിൽ  ബുദ്ധിമുട്ടാകും 

ഇന്ന് ആകെ പല കാര്യങ്ങളാല്‍ മോശപെട്ടു സ്ഥിതിയാണ് 

ഇനി കുളത്തിൽ  നിന്നും കയറാൻ  വിളിക്കാൻ  ആൾ  വന്നാൽ ആകെ വിഷയം ആകും

 ..

അത് കൊണ്ട് 

കാണാൻ നില്‍ക്കുന്ന കൂട്ടുകാർക്കായി  വേഗം 

ഒന്ന് രണ്ടു കസര്‍ത്ത് കാണിച്ചു  കയറി പോന്നു

കസർത്ത് എന്ന് വച്ചാൽ  വെള്ളത്തിൽ  അനങ്ങാതെ  ചത്ത പോലെ പൊങ്ങി കിടക്കുക..

വെള്ളത്തിൽ  തല കുത്തി മറിയുക ..കൈകൊണ്ടു മാത്രം നീന്തുക..കാലു കൊണ്ട് മാത്രം നീന്തുക ...

അങ്ങിനെ അങ്ങിനെ 

എന്റെ കൂടെ കുളിക്കാൻ ചില വന്യ ജീവികൾ സ്ഥിരം ഉണ്ടാവും 

എന്ന് വച്ചാൽ  കൊച്ചു പിള്ളേർ 

അവരുടെ  ഇടയിൽ  ആണല്ലോ അഭ്യാസം മുഴുവൻ  

അവർ  കരയിൽ  അങ്ങിനെ നോക്കി ഇരിക്കും..

ചേച്ചി എന്ത് മഹാ വ്യക്തി  ആണെന്ന മട്ടിൽ  

അവരോടു ആണ് ലോക കാര്യം മുഴുവന്‍ പറയുക 

വായിച്ച നോവലിന്റെ ,

കണ്ട സിനിമയുടെ 

ഒക്കെ കഥ പൊടിപ്പും തൊങ്ങലും വച്ച് പറഞ്ഞു കൊടുക്കും 

ഇന്ന് അതിനൊന്നും നില്‍ക്കാതെ 

മുടി സോപിട്ടു കഴുകി..

തല ഒന്ന് തോർത്തി..

മേലു  കഴുകി എന്ന് വരുത്തി..

വേഗം കയറി പോന്നു 

ഇരുട്ടിലേക്ക് 

പൂക്കളൊക്കെ തരം തിരിച്ചു വൈക്കണം 

നാളേക്ക് വരക്കാനുള്ള പൂക്കളം ഡിസൈന്‍ ഉണ്ടാക്കണം 

നാമം ജപിക്കണം 

അത്താഴം ഉണ്ണണം..

വീട്ടിലെ ഓണം 

അതിനെ ക്കുറിച്ച്  എഴുതാം