മാണിക്യ കല്ല്‌

 മാണിക്യ കല്ല്‌


മോഹനന്‍ സംവിധാനം ചെയ്ത  ഈ ചിത്രം..

സങ്കീര്ന്ണങ്ങള്‍  ആയ  വികാരങ്ങള്‍ ആണ് പ്രേക്ഷകരില്‍ ഉണര്‍ത്തുക 

എന്നെ കരയിച്ചു ഒരു ചിത്രം 

മോഹന്റെ ആദ്യ ചിത്രവും ഇത് പോലെ നിസ്സഹായായി എന്റെ കണ്ണുകളില്‍ കണ്ണീരു നിറച്ചിരുന്നു

മമ്മൂട്ടി ഹൃദയാവര്‍ജകമായ രീതിയില്‍ തന്റെ പഴയ കൂട്ടുകാരന്റെ സ്നേഹത്തിന്റെ കഥ പറഞ്ഞപ്പോള്‍ എന്റെ കണ്ണുകള്‍ തിയേറ്ററില്‍ ഇരുന്നു നിറഞ്ഞു ഒഴുകി (കഥ പറയുമ്പോള്‍ )

പിന്നീട് ഈ സിനിമയും കണ്ടു കഴിഞ്ഞപ്പോള്‍ നിറഞ്ഞു ഒഴുകുന്ന എന്റെ കണ്ണുകള്‍ ഞാന്‍ എവിടെ കൊണ്ട് ഒളിപ്പിക്കും എന്ന് ചിന്തിച്ചു   പോയി 

ഒരു പൊട്ടി പൊളിഞ്ഞ സര്‍ക്കാര്‍ ഹൈസ്കൂളില്‍  അധ്യാപകന്‍ ആയി ആദ്യം ജോലി ചെയ്യാന്‍ ആയി എത്തുന്നു വിനയന്റെ കഥയാണ് ഈ സിനിമ 

പ്രധാന അധ്യാപകന് വള കച്ചവടം (നെടു മുടി വേണു )

ജഗദീഷിന് ക്ലാസ് മുറിയില്‍ സ്റ്റാര്‍ സിങ്ങര്‍ പാട്ടുകാരിക്ക് റിഹേര്‍സല്‍  കൊടുക്കല്‍ 

മക്കളെ ഇംഗ്ലീഷ് മീഡിയം സ്ക്കൂളില്‍ വിട്ട്ടു രാഷ്ട്രീയം കളിച്ചു നടക്കുന്ന ശ്രീധരന്‍ 

കുട്ടികള്‍ ഉണ്ടാവാന്‍ നേര്ച്ച നേര്‍ന്നു നടക്കുന്ന സഹ അധ്യാപിക

ഡ്രില്ല് ടീച്ചറിന്  യോഗ ക്ലാസും കോഴി,കോഴി മുട്ട കച്ചവടവും.(സംവൃത സുനില്‍) 

ജെട്ടി വില്‍പ്പനയും സ്ഥല കച്ചവടവുമായി കോട്ടയം നാസറും..

പല വിവാഹത്തില്‍ ധാരാളം കുഞ്ഞുങ്ങളുമായി  ഒരു ഹാജിയും..

കഷ്ട്ട കാലത്തിനു അവിടെ പഠിക്കാന്‍ വിധിക്കപെട്ട അന്പത്തെഴ്‌  കുഞ്ഞുങ്ങളും  

കുഞ്ഞിരാമന്‍ എന്നാ പേര് ഗസറ്റില്‍ കൊടുത്ത് മാറ്റി തമ്പുരാന്‍ എന്നാക്കിയ  സലിം  കുമാറിന്റെ ശിപായിയും 

പത്തില്‍ പഠിക്കുന്ന പതിനഞ്ചു കുട്ടികളും 

ജഗതിയുടെ കള്ള വാറ്റുകാരനും

ചേര്‍ന്നാല്‍ ചിത്രം ഏകദേശം പൂര്‍ത്തിയായി 

മുഴുവന്‍ കുട്ടികളും പത്താം ക്ലാസില്‍   തോറ്റ ഈ സര്‍ക്കാര്‍ സ്കൂളില്‍ 

തന്റെ പ്രഥമ ജോലിക്കായി എത്തുന്ന അദ്ധ്യാപകന്‍

രാജുവിന്റെ വിനയന്‍ 

തീര്‍ത്തും ആദര്‍ശ വാദി 

നല്ല ആദര്‍ശ ധീരതയും  ഉറപ്പും ഉള്ള സ്വഭാവം

നെടുമുടി വേണുവിന്റെ ഒരു വീട്ടില്‍ താമസിച്ചു അവന്‍ പള്ളികൂടം നന്നാക്കാന്‍ ഉറച്ചു കച്ച കെട്ടി ഇറങ്ങുകയാണ് 

പിള്ളേരെ പിടിക്കാന്‍ ഇറങ്ങുന്ന അവനെ 

ഒരു വീട്ടമ്മ അവനെ ആട്ടുന്ന ആട്ടു 

അത് നമ്മുടെ മുഖത്താണ് കൊണ്ടത്‌ എന്ന് തോന്നും

ഇംഗ്ലീഷില്‍ patronising smile എന്നൊരു പ്രയോഗം ഉണ്ട് 

മുഖത്തു  ഒട്ടിച്ചു വച്ച ആ ചിരിക്കു ഒരു വല്ലാത്ത മടുപ്പുണ്ട് 

ശ്രീനിവാസന്റെ അഭിനയം  നിങ്ങള്‍ ഒന്നോര്‍ത്തു നോക്കൂ  

ആടിനെ വിറ്റാല്‍ ഉടനെ ഫീസ് കൊണ്ട് വന്നു കെട്ടാം എന്ന് പറയുമ്പോള്‍

 ഞാന്‍ ഒരു മഹാ നടന്‍ എന്ന ചിരി ആ അഭിനേതാവിന്റെ  മുഖത്തു ഉണ്ടായിരുന്നോ 

അത് പോലെ ബസിറങ്ങി വരുന്ന രാജുവിന്റെ മുഖത്തെ ആ ചിരി അരോചകം ആയി തോന്നി 

ഞാന്‍ നിങ്ങളെ അങ്ങ് രക്ഷിച്ചേക്കാം എന്ന മട്ടു 

അതൊഴിച്ചാല്‍ രാജുവിന്റെത് അതി മനോഹരമായ അഭിനയം ആണ് എന്ന് പറയാതെ വയ്യ 

സംവൃതയും നന്നായി അഭിനയിച്ചു.

വലിയ ചമയങ്ങള്‍ ഇല്ലാതെ

 കഥ പറയുന്ന ചിരിക്കുന്ന കണ്ണുകളുമായി അവള്‍ നമ്മുടെ   ഹൃദയം കവര്‍ന്നു 

കള്ള ചാരായം വിറ്റു നടക്കുന്ന ഒരു കുഞ്ഞിനെ തിരികെ ക്ലാസില്‍ എത്തിക്കാനുള്ള ശ്രേമം 

അതില്‍ വിനയന്‍ ജയിച്ചു എങ്കിലും അവനെ നില നിര്‍ത്തുക ശ്രേമകരം  ആയിരുന്നു 

 തെറ്റിന്റെ വഴിയിലേക്ക് പോകാന്‍ ഉള്ള അവന്റെ ആഗ്രഹം

 അതിനു ഭംഗിയായി തട ഇടാന്‍ വിനയന് കഴിഞ്ഞതും ഇല്ല 

ഒറ്റു കൊടുത്ത് അവനെ ജഗതി പിടിപ്പിക്കുമ്പോള്‍ വിനയന്‍ 

എക്സ്സൈസ്കാരുടെ  പിടിയില്‍ നിന്നും രക്ഷിച്ചു 

എന്നാല്‍ പിന്നീട്   ഒരിക്കല്‍ അവനെ കയ്യില്‍ ചാരായവുമായി പിടി കൂടുമ്പോള്‍

ദേഷ്യം വന്നു ഒരെണ്ണം ഇട്ടു കൊടുത്ത്  അവനെ കയ്യൊഴിഞ്ഞു കളഞ്ഞു 

നാട്ടുകാരുടെയും മറ്റും സഹായത്തോടെ വിദ്യാലയം വൃത്തി ആക്കി

സമയ നിഷ്ട്ടയും ചിട്ടയും ജനഗണ മനയും മറ്റും മറ്റും എല്ലാമായി 

 ഒരു വിദ്യാഭ്യാസ സംസ്കാരം അവിടെ ഉണ്ടാക്കാന്‍ വിനയന് കഴിഞ്ഞു

പഠിക്കണം എന്ന ആഗ്രഹം കുട്ടികളിലും  ,പഠിപ്പിക്കണം എന്ന ആഗ്രഹം അധ്യാപകരിലും എത്തിക്കാന്‍ വിനയന് കഴിഞ്ഞു 

കള്ള വാറ്റുകാരന്‍  ഗുണ്ടകളെ വിട്ട്‌ തല്ലികുംപോള്‍  അവന്‍ ഗ്രാമത്തിലെ ഹീറോ ആകുന്നു 

അങ്ങിനെ അങ്ങിനെ അവന്‍ ആ ഗ്രാമത്തിലെ പ്രത്യാശയുടെ ഒരു നാലാം ആവുന്ന കാഴ്ച 

അതി മനോഹരമായി സംവിധായകന്‍ നമുക്ക് കാണിച്ചു തന്നു 

മനോഹരമായി എഴുതിയ തിര കഥ 

ഒരു സോദ്ദേശ   ചിത്രത്തിന്‍റെ അരുചി തീരെ ഇല്ലാതെ നമുക്ക് എത്തിച്ചു തന്നു മോഹന്‍ 

അതി വൈക്കരികമായ നിമിഷങ്ങള്‍ കൊണ്ട് പ്രേസ്ഖകരില്‍ പിരി മുറുക്കം ഉണര്ത്ഹാനും കഴിഞ്ഞു

ഒരു ദ്രുശ്യ മാധ്യമം എന്ന നിലയില്‍ വേണ്ട വിട്ട്‌ വീഴ്ചകളും

നല്ല ഗാനങ്ങളും  ഗാന രംഗങ്ങളും ഗാന ചിത്രീകരണവും

ഗ്രാമത്തിന്റെ തനതായ പ്രകൃതി ഭംഗികളും 

എല്ലാം ആയി 

ചേതോഹരമായ ഒരു ചിത്രം 

മലയാളം പറഞ്ഞാല്‍ തല മൊട്ട അടിക്കുന്ന കേരള വിദ്യാഭ്യാസ മേഖലയില്‍ 

ഈ ചിത്രം വലിയ ഒരു വ്യത്യാസം ഉണ്ടാക്കും എന്നല്ല 

പ്രശ്നക്കാരായ കുട്ടികളെ ടി സി കൊടുത്ത് പറഞ്ഞു വിടുന്ന പ്രധാന അധ്യപരുള്ള കേരളീയ ഗ്രാമങ്ങളില്‍ 

ഒരു അധ്യാപകന്റെ കണ്ണ് തുറപ്പിക്കാന്‍..

ഒരു പിതാവിന്റെ മാതാവിന്റെ മനസ് മാറ്റാന്‍ ഈ സിനിമക്കായാല്‍..

അത് മതി 

സത്യവും നന്മയും  ജയിക്കുന്ന ഈ നല്ല ചിത്രം 

അന്തര്‍ലീനമായ നര്‍മവും പരിഹാസവും 

കുറിക്കു കൊള്ളുന്ന സംഭാഷണങ്ങളും 

കൊണ്ട് നമ്മുടെ മനസ് കവരും 

ഒരു മുന്‍ പരിചയവും ഇല്ലാതെ ഇതിലെ കുട്ടികള്‍ തരുന്ന മികച്ച അഭിനയം

അഭിനന്ദനീയം തന്നെ 

മന്ത്രിയുടെ സ്വന്തം സ്ക്കൂള്‍ നേടുന്ന ചരിത്ര വിജയം 

അധ്യാപകരുടെ മാത്രമല്ല വിദ്യാര്ധികളുടെ  മാത്രമല്ല

നാട്ടുകാരുടെ മാത്രമല്ല 

നമ്മള്‍ പ്രേക്ഷകരുടെ  നെഞ്ചിലും ഈ ചിത്രം ഒരു പ്രകമ്പനം ഉണ്ടാക്കി

അതാണ്‌ ഇതിന്റെ വിജയവും

ശ്രേധയോടെ എഴുതി ശ്രേധയോടെ സംവിധാനം ചെയ്തു

ഇതാ ഒരു നല്ല ചിത്രം..

നിങ്ങള്‍ക്കിത്  തള്ളുകയോ  കൊള്ളുകയോ ചെയ്യാം എന്ന് ധൈര്യമായി  പറഞ്ഞു

 നമുക്ക് തന്നു മോഹന്‍ 

ഈ തരത്തില്‍ ഉള്ള പല ചിത്രങ്ങളും നമ്മള്‍ മുന്‍പും കണ്ടിട്ടുണ്ട് 

താരെ സമീന്‍ പര്‍ പോലെ  അമീര്‍ ഖാന്റെ ഒന്നാം തരാം അഭിനയവും ഒക്കെ ആയി 

അത് പോലെ ഇതാ ഒരു നല്ല ചിത്രവും 

പത്തില്‍ ഒന്‍പതും  കൊടുക്കാം നമുക്കിതിനു   

   

DIRECTED BY - M Mohanan...♪♪


PRODUCED BY - A S Gireesh lal...♪♪


CINEMATOGRAPHY - P Sukumar...♪♪


WRITTEN BY - M Mohanan...♪♪


EDITING - Renjan abraham...♪♪


MUSIC - M Jayachandran...♪♪


LYRICS - Anil panachooraan...♪♪


STARS - Samvritha sunil,KPAC Lalitha,Prithvi raj,Nedumudi venu,Jagathy sreekumar,Salim kumar,Jagadeesh,Anoop chandran,Suresh krishna,Kottayam nazeer...♪♪